"اسىل ارنا" تەلەارناسىنىڭ ديرەكتورى مۇحامەدجان تازابەك Qazaqstan ارناسىندا اشىلعانى جاتقان "ءتالىم Trend" حابارىندا ءدىن تاقىرىبى قوزعالمايتىنىن ايتتى، دەپ جازادى كازتاگ اگەنتتىگى.
– باعدارلاما قاندايدا ءبىر ءدىني تاقىرىپتى قوزعامايدى. باعدارلاما الەۋمەتتىك ماسەلەلەرگە، قوعامدى مازالاعان ساۋالدارعا، وتباسى قۇندىلىقتارىنا ارنالادى، – دەپ جاۋاپ بەردى ول.
اگەنتتىك ءتىلشىسى تازابەكتەن بەلگىلى جۋرناليست دينا ەلگەزەكتىڭ ءوزىن "ءسالافيت" دەپ ايىپتاعانىنا قاتىستى پىكىر ءبىلدىرۋىن سۇراماق بولعان.
الايدا مۇحامەدجان تازابەكتىڭ كومەكشىلەرى سۇحباتتىڭ الدىندا، ونىڭ ءسالافيزم تۋرالى سۇراقتارعا جاۋاپ بەرمەيتىنىن ەسكەرتكەن.
اگەنتتىك ءتىلشىسى سوندا دا اتالعان سۇراقتى قويماق بولعاندا، اسىل ارنا ديرەكتورى اينالاسىنداعى ادامداردىڭ ءبىرى جۋرناليست كامەراسىنىڭ جازباسىن توقتاتىپ تاستاعان.
پىكىر قالدىرۋ