بەلگىلى ەستادا ءانشىسى ەرنار ايدار instagram پاراقشاسىندا مىڭداعان ادام الدانىپ قالعان لوتەرەيا داۋىنا قاتىستى تەرگەۋدىڭ بارىسى تۋرالى ايتتى.

وزىنە سەنگەندىكتەن لوتەرەيا بيلەتتەرىن الىپ، الدانىپ قالعان ازاماتتاردان كەشىرىم سۇراعان ءانشى ءوزىنىڭ ارام ويى بولماعانىن، قازىرگى كەزدە تەرگەۋ ءالى دە جالعاسىپ جاتقانىن، تەرگەۋگە كۋاگەر رەتىندە قاتىسىپ جۇرگەنىن ءمالىم ەتتى.

ونىڭ سوزىنشە، لوتەرەيا بيلەتتەرىنىڭ اقشاسىن ۇيىمداستىرۋشىلار العان.

ال جارنامادان تۇسكەن قارجىنى قۇزىرلى ورگان قايتارۋ كەرەكتىگىن ايتسا، قايتاراتىنىن، وزىندە قالدىرسا قايىرىمدىلىققا جۇمساۋعا ءازىر ەكەنىن حابارلادى.

ءانشى ءوزىن تابالاپ جاتقاندارعا، كەشىرىممەن قاراۋدى سۇرادى.

"اق قاراسىن بىلمەي، ماعان قارعىس ايتىپ، جامان سوزدەر ايتىپ جاتقان اعايىن: "جۇيەلى قارعىس جۇيەسىن تابادى، جۇيەسىز قارعىس يەسىن تابادى". يا مەن ءسۇرىندىم. مۇمكىن سىزدەر ادامزاتتىڭ ەشقاشان سۇرىنبەيتىن تۇرىنەن شىعارسىزدار! مەندە ءوستىپ-وستىپ ءومىر ءسۇرۋدى ءبىر كۇندەرى ۇيرەنەرمىن. ۋاقىت تورەشى.
مەن سىزدەرگە تەك قانا جاقسىلىق تىلەيمىن!
تەرگەۋدىڭ اياقتالۋىن كۇتەيىك!" دەلىنگەن ءانشى جازباسىندا.