2006 جىلعى ۇلگىدەگى 2000، 5000 جانە 10000 تەڭگەلىك بانكنوتتاردى اينالىمنان الۋدىڭ ءتورت جىلدىق كەزەڭى اياقتالدى. بۇل تۋرالى قازاقستاننىڭ ۇلتتىق بانكى حابارلادى.

بانك مالىمەتىنشە، بانكنوتتار 2006 جىلعى 15 قاراشادا اينالىمعا شىعارىلىپ، 2016 جىلعى 4 قازاننان باستاپ زاڭدى تولەم قۇرالى بولۋىن توقتاتقان.

"ەكىنشى دەڭگەيدەگى بانكتەر، ۇلتتىق پوشتا وپەراتورى جانە ۇلتتىق بانكتىڭ فيليالدارى جوعارىدا اتالعان بانكنوتتاردى قابىلداپ، ۇلتتىق ۆاليۋتانىڭ قولدانىستاعى اقشا بەلگىلەرىنە ايىرباستادى. ايىرباستاۋ كەزەڭى ءتورت جىلعا سوزىلدى.

اينالىمنان الۋ مەرزىمىنىڭ اياقتالۋىنا بايلانىستى 2006 جىلعى ۇلگىدەگى نومينالدارى 2000، 5000 جانە 10000 تەڭگەلىك بانكنوتتار قازاقستاننىڭ بۇكىل اۋماعىندا، ونىڭ ىشىندە ەكىنشى دەڭگەيدەگى بانكتەردىڭ، ۇلتتىق پوشتا وپەراتورىنىڭ جانە ۇلتتىق بانكتىڭ فيليالدارىندا قابىلدانبايدى جانە ايىرباستالمايدى" دەلىنگەن حابارلامادا.