قىرعىزستان پرەزيدەنتى سوورونباي جەەنبەكوۆ پرەمەر-مينيستر مەن ۇكىمەتتى وتستاۆكاعا جىبەرۋ تۋرالى جارلىققا قول قويدى، دەپ حابارلادى Sputnik Kyrgyzstan اقپارات اگەنتتىگى.
قىرعىزستان كونستيتۋسيانىڭ 65 جانە 87-باپتارىنا، سونداي-اق "كر ۇكىمەتى تۋرالى" كونستيتۋسيالىق زاڭعا سايكەس پرەمەر-مينيستر كۋباتبەك بورونوۆ پەن ونىڭ كومانداسى وتستاۆكاعا كەتتى.
ۇكىمەتتىڭ جاڭا قۇرامى قالىپتاسقانعا دەيىن پرەمەر-مينيستر، ءبىرىنشى ۆيسە-پرەمەر، ۆيسە-پرەمەر جانە مينيسترلەر كابينەتىنىڭ مۇشەلەرى قىزمەتتەرىن ورىنداۋدى جالعاستىرادى.
پرەزيدەنت جارلىعى قول قويىلعان ساتتەن باستاپ كۇشىنە ەنەدى.
6 قازاندا قىرعىزستان پرەمەر-مينيسترى كۋباتبەك بورونوۆ وتستاۆكا ءوتىنىش بەرگەن. بۇل تۋرالى جوگوركۋ كەنەشتىڭ كەزەكتەن تىس وتىرىسىندا بەلگىلى بولدى، وندا دەپۋتاتتاردىڭ ءبىر بولىگى بورونوۆ وتستاۆكاعا كەتكەننەن كەيىن جاپاروۆتىڭ كانديداتۋراسىن پرەمەر-مينيستر لاۋازىمىنا ماقۇلداۋ تۋرالى شەشىم قابىلداعان. ەندى ۇكىمەت مۇشەلەرى زاڭعا سايكەس وتستاۆكاعا كەتتى دەپ سانالادى.
ەسكە سالا كەتەيىك، بىشكەكتەگى پارلامەنتتىك سايلاۋدان كەيىنگى نارازىلىق اكسياسى حالىقتىڭ تولقۋىنا ۇلاسىپ، ناتيجەسىندە نارازى توپ "اق ءۇيدى" باسىپ العان ەدى.
پىكىر قالدىرۋ