الماتىداعى وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين بريفينگ بارىسىندا قالالىق تجد ءزىلزالالاردىڭ قاۋىپ-قاتەرىن ازايتۋ جانە ازاماتتىق قورعاۋ سالاسىنداعى باقىلاۋ باسقارما باستىعىنىڭ مىندەتىن اتقارۋشى، ازاماتتىق قورعاۋ پودپولكوۆنيگى تالعات دۇيسەبايەۆ جىلىتۋ ماۋسىمىندا جەكەمەنشىك سەكتوردا ورتكە قارسى قاۋىپسىزدىكتى باقىلاۋ بويىنشا كۇشەيتۋ شارالارى تۋرالى ايتتى.

2019-2020 جىلدار ارالىعىنداعى جىلۋ بەرۋ كەزەڭىندە الماتى قالاسىنىڭ تۇرعىن ءۇي سەكتورىندا بارلىعى (2019 جىلدىڭ قىركۇيەگىنەن 2020 جىلدىڭ ساۋىرىنە دەيىنگى ەسەپ بويىنشا) 260 ءورت بولدى، ونىڭ 113ء-ى نەمەسە 43 پايىزى جەكە سەكتوردا بولدى، 30 ادام زارداپ شەكتى، ونىڭ 23ء-ى جەكە تۇرعىن ۇيلەردە، 7ء-ۋى كوپ قاباتتى ۇيلەردە ورىن الدى.

زارداپ شەگۋگە اكەلىپ سوقتىرعان جەكە تۇرعىن ۇيلەردەگى ءورتتىڭ شىعۋ سەبەپتەرى:
وتقا ۇقىپسىز قاراۋ (تەمەكى شەگۋ) - 12 ادام؛
ەلەكتر سىمدارىنىڭ قىسقا تۇيىقتالۋى - 10 ادام جانە ءبىر ورتەۋ؛

تالداۋ مالىمەتتەرىنە سۇيەنە وتىرىپ، الماتى قالاسىنىڭ توتەنشە جاعدايلار دەپارتامەنتى جىلۋ بەرۋ كەزەڭىندە ورتتەن جانە كومىرتەگى توتىعىمەن ۋلانۋدا ادامداردىڭ قايتىس بولۋى مەن جاراقاتتانۋىن ازايتۋ ماقساتىندا كەشەندى شارالار جۇرگىزىپ وتىرادى.

«اعىمداعى جىلعى جىلىتۋ ماۋسىمىنا دايىندىق بارىسىندا اۋداندىق اكىمدىكتەرمەن بىرلەسىپ جەكە تۇرعىن ۇيلەردىڭ ءتىزىمى تۇزەتىلدى، 145 مىڭ 471 ءۇي ەسەپكە الىنىپ، تىركەلدى. تىزىمدەر قايتا قارالىپ، تۇرعىنداردىڭ الەۋمەتتىك وسال توپتارىنا جاتاتىن 945 ءۇي جەكە توپقا ءبولىندى، ونىڭ ىشىندە، 605 ءۇي قاتتى وتىنمەن جىلىتىلادى»، - دەپ اتاپ ءوتتى ت.دۇيسەبايەۆ.

تامىز ايىنان باستاپ جپق، تۇرعىن ءۇي ساياساتى باسقارماسى، «قازترانسگازايماق» اق-ى، اۋداندىق اكىمدىكتەردىڭ الەۋمەتتىك سالا بولىمدەرىمەن بىرگە ەرىكتىلەردى تارتا وتىرىپ، 227 رەيد جۇرگىزىلدى، رەيد بارىسىندا 20 مىڭنان استام ءۇيدى ارالاپ شىقتى. بۇل رەتتە، ەڭ الدىمەن، تۇرعىنداردىڭ الەۋمەتتىك وسال توپتارىنىڭ (كوپ بالالى وتباسىلار، الەۋمەتتىك جاعدايلارى از قامتىلعان جانە ءموبيلدى ەمەس) ۇيلەر قامتىلدى.

«ساۋالنامالار بارىسىندا ءورت قاۋىپسىزدىگى شارالارى تۋرالى 40 مىڭنان استام ەسكەرتپەلەر تاراتىلدى. جالپى، اكىمدىكتەردىڭ قولداۋىمەن قاتتى وتىن پايدالاناتىن 1238 جەكە تۇرعىن ءۇي داچيكتەرمەن جابدىقتالعان»، - دەپ تولىقتىردى سپيكەر.

جۇرگىزىلگەن جۇمىستاردىڭ ناتيجەسى رەتىندە تۇرعىن ءۇي سەكتورىنداعى ورتتەر سانىنىڭ 6 پايىزعا، سونداي-اق پەشتەردى سالۋ جانە پايدالانۋ كەزىندەگى ءورت قاۋىپسىزدىگى ەرەجەلەرىنىڭ بۇزىلۋى 33 پايىزعا، ەلەكتر جەلىلەرىن مونتاجداۋ جانە پايدالانۋ ەرەجەلەرىن بۇزۋ سالدارىنان بولاتىن ءورتتىڭ سانى 17 پايىزعا، وتقا ۇقىپسىز قاراۋ 13 پايىزعا تومەندەگەنىن ايتىپ وتۋگە بولادى، ءورتسىز كومىرتەگى توتىعىمەن ۋلانۋدان زارداپ شەككەندەردىڭ سانى 25% -عا ازايدى.

سونىمەن بىرگە، تابيعي گازبەن ۋلانۋ ءقاۋپىن ازايتۋ ماقساتىندا تۇرعىن ءۇي ساياساتى باسقارماسى مەن «قازترانسگازايماق» اق- نا گاز جۇيەلەرى مەن جابدىقتارىن تەك قانا گازدىڭ اعىپ كەتۋ داچيكتەرى (گاز اناليزاتورى) بولعان جاعدايدا عانا پايدالانۋعا بەرۋ ۇسىنىلدى.

الماتى قالاسى توتەنشە جاعدايلار دەپارتامەنتى تۇرعىندار اراسىندا كومىرتەگى توتىعىنان ۋلانۋدى بولدىرماۋ ءۇشىن كەلەسى نەگىزگى ەرەجەلەردى ساقتاۋ قاجەتتىگىن ەسكەرتەدى:
- ۇيدەگى بارلىق ەلەكتر سىمدارىن جارامدى كۇيدە ۇستاڭىز؛
- جىلۋ بەرۋ كەزەڭىندە، جىلىتۋ پەشتەرىنىڭ مۇرجالارىن، كۇيە قۇبىرلارىن تازارتىڭىز؛
- مۇرجاداعى تارتقىشتى تەكسەرىپ، تۇندە مۇرجانى جاپپاڭىز؛
- اعاش، زىعىر ماتا جانە باسقا جانعىش زاتتاردى پەشتەردە، ءتۇتىن مۇرجالارىندا جانە باسقا دا جىلىتۋ قۇرىلعىلارىندا كەپتىرۋگە جول بەرمەڭىز؛
- اۆتونومدى جىلىتۋ جانە گاز قۇرىلعىلارىن ءقاۋىپسىز پايدالانۋ ەرەجەلەرىن ساقتاڭىز.