ايجان سەرىكباي قىزى ەسماعامبەتوۆا دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى قىزمەتىنە تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
ايجان ەسماعامبەتوۆا 1972 جىلى الماتى وبلىسىندا دۇنيەگە كەلگەن.
1997 جىلى الماتى مەملەكەتتىك مەديسينا ۋنيۆەرسيتەتىن گيگيەنيست دارىگەر، ەپيدەميولوگ ماماندىعى بويىنشا ءتامامداعان.
ەڭبەك جولىن 1990 جىلى الماتى قالاسى №7 ەمحاناسىندا فەلدشەر-زەرتحاناشى بولىپ باستاعان.
1997-2004 جىلدارى رەسپۋبليكالىق سانيتارلىق-ەپيدەميولوگيالىق ستانسيانىڭ اسا ءقاۋىپتى ينفەكسيالار بولىمىندە دارىگەر-ەپيدەميولوگ، دارىگەر-باكتەريولوگ، زەرتحانا مەڭگەرۋشىسى بولىپ جۇمىس ىستەگەن.
2004-2014 جىلدارى ق ر دسم مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ قۇرىلىمىندا جەتەكشى ماماننان باستاپ ءتورايىمعا دەيىن ءتۇرلى لاۋازىمداردى اتقارعان. 2014 جىلى – ق ر تۇتىنۋشىلاردىڭ قۇقىقتارىن قورعاۋ اگەنتتىگىنىڭ ەپيدەميولوگيالىق قاداعالاۋ دەپارتامەنتىنىڭ ديرەكتورى – باس مەملەكەتتىك سانيتارلىق دارىگەردىڭ ورىنباسارى.
2014-2017 جىلدارى — ق ر ۇەم تۇتىنۋشىلاردىڭ قۇقىقتارىن قورعاۋ كوميتەتىنىڭ ەپيدەميولوگيالىق قاداعالاۋ باسقارماسىنىڭ باسشىسى.
2017 جىلى — ق ر دسم ستراتەگيالىق دامۋ جانە قوعامدىق دەنساۋلىق ساقتاۋ دەپارتامەنتىنىڭ ديرەكتورى.
2017-2020 جىلدارى — ق ر قوعامدىق دەنساۋلىق ساقتاۋ ساياساتى دەپارتامەنتىنىڭ ديرەكتورى.
2020 جىلعى 23 ماۋسىمنان باستاپ قازىرگى ۋاقىتقا دەيىن دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى قىزمەتىن اتقاردى.
پىكىر قالدىرۋ