72 814 ادامعا «Birgemiz» قورىنان 50 مىڭ تەڭگەدەن بەرىلدى. الماتى، شىمكەنت، اتىراۋ، اقتوبە، بالقاش، جەزقازعان، قاراعاندى، كوكشەتاۋ، قوستاناي، قىزىلوردا، پەتروپاۆل، تالدىقورعان، تاراز، تەمىرتاۋ، تۇركىستان جانە ورال سياقتى 16 قالانىڭ تۇرعىندارى اتاۋلى الەۋمەتتىك كومەكتى الىپ ۇلگەردى.
اقشالاي قاراجات بەرۋ ءۇش كەزەڭدە جۇزەگە اسىرىلادى. 15 قازاندا «BizBirgemiz» ناۋقانىنىڭ بەسىنشى تولقىنى اياقتالادى. بار بولعانى ءۇش كۇن ىشىندە ەلىمىزدىڭ 23 قالاسىنان 100 مىڭ وتباسىعا كومەك كورسەتىلەدى.
قازاقستاندىقتار ەلباسى مەن «Nur Otan» پارتياسىنا الەۋمەتتىك جەلىلەر ارقىلى العىس ءبىلدىرىپ، مۇنىڭ كوروناۆيرۋس پاندەمياسى جاعدايىندا دەر كەزىندە كورسەتىلگەن الەۋمەتتىك كومەك ەكەنىن ايتۋدا.
«مەن جەتى بالانىڭ اناسىمىن. «Birgemiz» قورىنان 50 مىڭ تەڭگە كەلىپ ءتۇستى. «Birgemiz» قورىنا، «Nur Otan»-عا جانە حالىقتىڭ قامىن ويلاعان ەلباسىعا العىسىمدى ايتقىم كەلەدى»، - دەدى كوپبالالى انا.
«جاڭا عانا مەنىڭ تەلەفونىما «Birgemiz» قورىنان 50 مىڭ تەڭگە تۇسكەنى تۋرالى حابارلاما كەلدى. وسىنداي قيىن كەزەڭدە قاراپايىم حالىققا كومەكتەسىپ جاتقان قورعا العىسىمدى بىلدىرگىم كەلەدى. نۇرسۇلتان ءابىشۇلىنا كورسەتكەن قولداۋى ءۇشىن العىسىمدى ايتا وتىرىپ، ىستەرىڭىزگە تابىس پەن گۇلدەنۋ تىلەيمىن»، - دەدى شىمكەنت قالاسىنىڭ تۇرعىنى.
نۇرسۇلتان نازاربايەۆ قورىنىڭ قولداۋىمەن وڭىرلەرگە شامامەن 5 ملرد تەڭگە باعىتتالدى. اتاۋلى كومەك كورسەتۋ – ەلباسى، «Nur Otan» پارتياسىنىڭ ليدەرى نۇرسۇلتان نازاربايەۆتىڭ قابىلداعان شەشىمى.
7 سانات بويىنشا 100 مىڭنان استام ازامات ءبىرجولعى ماتەريالدىق كومەكپەن قامتىلادى. ولاردىڭ قاتارىندا تۇرمىسى تومەن كوپبالالى وتباسىلار، مۇقتاج مۇگەدەكتەر، مۇگەدەك بالانى تاربيەلەپ وتىرعان وتباسىلار، ەڭ تومەنگى زەينەتاقى الاتىن جانە حالىقتىڭ الەۋمەتتىك ءالسىز توبىنا جاتاتىن زەينەتكەرلەر، جەتىم بالالار (تۇل جەتىم بالالار مەن اسىراۋشىسىنىڭ بىرىنەن ايىرىلعان بالالار)، ۇلى وتان سوعىسىنىڭ قاتىسۋشىلارى مەن مۇگەدەكتەر جىنە سولارعا تەڭەستىرىلگەندەر،تىل ەڭبەككەرلەرى بار.
كومەك الۋشىلاردىڭ ءتىزىمىن بۇرىنعىداي «Nur Otan» پارتياسىنىڭ باقىلاۋىمەن اكىمدەر ۇسىنادى. بۇل رەتتە كومەكتى بۇرىن الماعان ازاماتتار الدى.
ەستەرىڭىزگە سالا كەتەيىك، «Birgemiz» قورى وسى جىلدىڭ ناۋرىز ايىندا تۇڭعىش پرەزيدەنت، «Nur Otan» پارتياسىنىڭ ليدەرى نۇرسۇلتان نازاربايەۆتىڭ باستاماسىمەن كوروناۆيرۋسپەن كۇرەس جاعدايىندا حالىقتىڭ الەۋمەتتىك وسال توپتارىن قولداۋ ءۇشىن قۇرىلعان بولاتىن. وسى ۋاقىت ىشىندە قور قاراجاتىنان 550 مىڭنان استام مۇقتاج ازامات 50 مىڭ تەڭگەدەن الدى. پاندەميامەن كۇرەستە الدىڭعى شەپتە بولعان ەلوردا مەن الماتى قالاسىنىڭ 2112 مەديسينا قىزمەتكەرىنە ءبىرجولعى تولەم جاسالدى. پاندەميا باستالعان كەزەڭدە نۇر-سۇلتان، الماتى جانە شىمكەنت قالالارىنداعى الەۋمەتتىك ءالسىز 100 مىڭ وتباسىعا 5 ملن. ماسكا تاراتىلدى.
سونىمەن قاتار، قور ەسەبىنەن تۇركىستان وبلىسىنىڭ ماقتاارال اۋدانىنداعى مىرزاكەنت اۋىلىندا 20 ءۇيدىڭ قۇرىلىسى اياقتالدى. قازىرگى ۋاقىتتا 12 ءۇيدىڭ قۇرىلىسى جالعاسۋدا.