"اسىل ارنا" ديرەكتورى مۇحامەدجان تازابەك تەلەارنا قالاي قارجىلاندىرىلاتىنى، ارنا باعىتى كەلەشەكتە قالاي وزگەرەتىنى تۋرالى ايتىپ بەردى.

اقىن "ءتالىم Trend باعدارلاماسىنىڭ اينالاسىنداعى داۋعا بايلانىستى وتكىزگەن تىكەلەي ەفيردە "اسىل ارنا تەلەارناسىن ارابتار قارجىلاندىرادى" دەگەن اڭگىمە شىندىققا جاناسپايتىنىن، تەلەارنا بىردە-بىر مەملەكەتتەن اقشا الماعانىن اتاپ ءوتتى.

ول "شەتەلدەن اقشا الۋ وپاسىزدىق، جاۋاپسىزدىق" بولار ەدى دەپ، ارنا ەشبىر ەلدەن 1 دوللار دا الماعانىن ايتتى.

مۇحامەدجان تازابەكتىڭ سوزىنشە، تەلەارنا ارا-تۇرا عانا تەندەرگە قاتىسىپ، ازىن-اۋلاق اقشا تاباتىنى بار. تابىستىڭ نەگىزگى كوزى – جارناما. كەي-كەيدە قاراپايىم ازاماتتار مەن قالتالى ادامدار قارجىلاي قولداۋ جاساپ تۇراتىنىن جاسىرمادى.

اقىن ەندى ارنادا ءدىني باعدارلامالار ازايىپ، وتباسىلىق حابارلار، ۇلتتىق قۇندىلىقتارعا نەگىزدەلگەن باعدارلامالار ارتاتىنىن ايتتى.

سونداي-اق ول 10 جىلدان بەرى قازاقستان مۇسىلماندارى ءدىني باسقارماسىنا "اسىل ارنادان" ءدىني ارنا جاۋاپكەرشىلىگىن الۋدى، ءدىني باسقارما جەكە ءدىن باعىتىنداعى ارنا اشۋى قاجەتتىگى تۋرالى ايتىپ كەلە جاتقانىن جەتكىزدى.

سوزىنشە، ۇسىنىسى ماقۇلدانىپ، جۋىق ارالىقتى  "حالىق ارنا" تەلەارناسىنىڭ ورنىنا قازاقستان مۇسىلماندارى ءدىني باسقارماسىنىڭ جەكە ارناسى اشىلاتىن بولادى.