ءبىلىم جانە عىلىم ءمينيسترى اسحات ايماعامبەتوۆ كوروناۆيرۋسقا قارسى وتاندىق ۆانسينانى العاشقىلاردىڭ ءبىرى بولىپ سالدىردى. بۇل تۋرالى ول جۋرناليست نارتاي ارالبايۇلىنا بەرگەن سۇحباتىندا ايتتى.

–  15 ماۋسىمدا ددسۇ ءبىزدىڭ وتاندىق ۆاكسينامىز دۇرىس دەپ وڭ كوزقاراستارىن بىلدىرگەندە قۋاندىق. بىرىنشىدەن، ءبىز بۇل ۆاكسيانانىڭ ءار كەزەڭىن قاراپ ءبىلىپ وتىرعاننان كەيىن سەنىم پايدا بولدى. ەكىنشىدەن، بۇل ءبىزدىڭ ينستيتۋتتىڭ، عالىمدارىمىزدىڭ جۇمىسى. مۇنىڭ الدىندا سول ينستيتۋتتا جۇمىس ىستەيتىن عالىمداردىڭ وزدەرى العاش بولىپ ەكپەنى سالدىردى. ولار وزدەرى دايىنداپ شىعاردى. ولار سالدىرعاننان كەيىن ارىپتەستەرىمنىڭ اناليزدەرىن كوردىم. كەيىننەن مەندە سەنىم ءبىلدىرىپ، ەكپە سالدىرۋعا ۇسىنىس تاستادىم، – اسحات ايماعامبەتوۆ.

ءمينيستردىڭ ايتۋىنشا، كوروناۆيرۋسقا قارسى ۆاكسينا جابايى ۆيرۋسپەن كۇرەسۋگە كومەكتەسەدى.

– بىزدە ءقازىر ۆاكسيناعا قارسى ءارتۇرلى پىكىرلەر قالىپتاسقان. ەڭ قاراپايىم ماسەلە ءبىز ءارقايسىمىز دالادا جابايى ۆيرۋستىڭ شتامىن قاعىپ الۋىمىز مۇمكىن. سوسىن اۋىرامىز. ال، مىنا جەردە دايىن شتام. بۇل ۆاكسينا ىشىندە وتە قاراپايىم ينگرەديەنتتەر بار. بىرىنشىدەن ولتىرىلگەن ۆيرۋس، ەكىنشىدەن ۆيرۋسقا كومەكتەسەتىن ارنايى زات بار. ءبىتتى سونى سالامىز. بۇل ۆيرۋستى دەنەمىزگە سالعاندا ءبىزدىڭ كلەتكالارىمىز ونى تانيدى. كەيىن جابايى ۆيرۋس كەلەتىن بولسا، ونىمەن كۇرەسۋدى بىلەتىن بولادى. وسى تۇرعىدان بىزگە ۆاكسينانى سالدىرۋ ءتيىمدى جانە ول جابايى ۆيرۋسقا قارسى تۇرادى. ۆاكسينانى سالدىرۋ ءار ادامنىڭ ءوزىنىڭ شەشىمى. ءوزىم جىلدا تۇماۋعا قارسى ۆاكسينانى سالدىرامىن. بىردە-بىر سالدىرماعان ۆاكسينا جوق. قاي ۋاقىتتا قاي ۆاكسينانى سالدىرۋ قاجەت مەن مىندەتتى تۇردە سالعىزامىن جانە جاقىندارىما دا سونداي كەڭەس بەرەمىن. مەنىڭ ۇستانىمىم وسىنداي، – دەپ ءسوزىن تۇيىندەدى ول.