رەسەي پرەزيدەنتى ۆلاديمير پۋتين تاۋلى كاراباح ماسەلەسىندە رەسەي ۇستانىمى و باستان بەلگىلى ەكەنىن ايتىپ، ارمەنيا باسىپ العان 7 اۋداندى ازەربايجانعا قايتارۋ مۇمكىندىگىن قاراستىرۋ قاجەتتىگىن اتاپ ءوتتى، دەپ جازادى يزۆەستيا باسىلىمى.
پۋتين تاۋلى كاراباح ايماعىنداعى 7 اۋداندى ازەربايجانعا قايتارۋ يدەياسى رەسەيدىڭ بەرىك ۇستانىمى ەكەنىن جەتكىزىپ، ءار تاراپ وزىنىكىن دۇرىس دەپ سانايتىندىقتان، تاۋلى كاراباح داۋىندا جەڭىل شەشىم بولمايتىنىن ايتتى.
– "باكۋ 7 اۋداننىڭ ارمەنياعا دا، تاۋلى كاراباح ماسەلەسىنە دە ەش قاتىسى جوق، بۇل تاريحي تۇرعىدا ازەربايجاننىڭ جەرى. ونى قايتارىپ الۋعا ءبىزدىڭ تولىق قاقىمىز بار دەپ وتىر. اركىمنىڭ ءوز شىندىعى بار، – دەدى پۋتين.
رەسەي پرەزيدەنتى قوس تاراپ مۇددەسى ءۇشىن ءتيىمدى كەلىسىم جاسالعان كەزدە عانا كونفليكت شەشىلەدى دەگەن پىكىردە
تاۋلى كاراباقتاعى كەزەكتى قاقتىعىس 27 قىركۇيەكتە باستالعان. تاراپتار جانجالدىڭ باستالۋ سەبەبىن بىر-بىرىنەن كورەدى. ارميان جانە ازەربايجان كۇشتەرى اراسىنداعى ۇرىس بىرنەشە فرونتتا ءجۇردى. ۇرىستا دروندار، ارتيللەريا، اۋىر تەحنيكا مەن راكەتالىق كەشەندەر قولدانىلدى. ەكى جاقتان دا بەيبىت تۇرعىندار وپات بولعان.
10 قازاندا ارمەنيا مەن ازەربايجان گۋمانيتارلىق ماقساتتا تاۋلى كاراباحتاعى اتىستى توقتاتۋعا كەلىسكەن.
الايدا داۋلى ايماقتاعى اسكەري ۇرىس ءالى جالعاسىپ جاتىر.
پىكىر قالدىرۋ