قازاقستاننىڭ ەسترادا جۇلدىزدارى ەل تۇرعىندارىن كارانتين تالاپتارىن ساقتاۋعا شاقىرىپ، ۇندەۋ جاساۋدا.
"2020 جىل ادامزات ءۇشىن قيىندىققا، سىناققا تولى جىل بولدى. COVID-19 ىندەتىنىڭ ارى قاراماي تاراماۋى، ونىڭ توقتاۋى ءوز قولىمىزدا. حالىق كوپ جينالعان جەردەن اۋلاق بولىپ، ءارقاشان بەتپەردە تاعىپ ءجۇرۋدى ۇمىتپاڭىزدار. بارلىق قيىندىقتى بىرگە جەڭىپ شىعامىز، – دەدى ءانشى جۇبانىش جەكسەن ۇلى.
ال ءانشى بەيبىت كوشقالييەۆ كوروناۆيرۋس ينفەكسياسىنان امان-ساۋ بولۋ ءۇشىن ادامدار كوپ جينالاتىن جەردە ساقتىق شارالارىن ۇمىتپاي، ماسكا تاعىپ ءجۇرۋ كەرەكتىگىن ەسكەرتەدى.
"بەتپەردە تاعۋدى ۇمىتپاڭىز. بەتپەردە ءوزىڭىزدى جانە وتباسىڭىزدى قۇتقارۋدىڭ ەڭ قاراپايىم ءتاسىلى. سىزدەرگە، جاقىندارىڭىزعا زور دەنساۋلىق، مول باقىت تىلەيمىن. امان-ساۋ بولىڭىزدار"، – دەدى قازاقستاننىڭ ەڭبەك سىڭىرگەن قايراتكەرى، ءانشى ءارى مۋزىكانت يگور بلاگودارنىي.
پىكىر قالدىرۋ