الماتى وبلىسى اقسۋ اۋدانى قاپال اۋىلدىق وكرۋگى اكىمى اپپاراتىنىڭ باس مامانى ۆلاديمير چەپەل قازاق ءتىلىنىڭ مارتەبەسى تۋرالى ويلارىن ايتتى.
ۆلاديمير چەپەل مەملەكەتتىك قىزمەتكەرلەردى قازاقشا ۇيرەتۋ ءۇشىن اۋىلعا جىبەرۋ كەرەك دەپ ەسەپتەيدى.
ول ءوزىنىڭ قازاق ءتىلىن كىشكەنتاي كەزىنەن بىلەتىنىن مالىمدەدى.
– ءوز ۇلتىم ورىس بولعاندىقتان، كىشكەنتاي كەزىمنەن قازاق ءتىلىن ۇيرەنگەن بولاتىنمىن. الماتى قالاسىنىڭ بىر-ەكى كوشەسىنەن ءوتىپ بارا جاتىپ قاراسام، ەلدىڭ ءبارى ورىسشا سويلەيدى، قازاقتار دا ورىسشا سويلەيدى. بىلتىر جەلتوقسان ايىندا نۇر-سۇلتان قالاسىنا بارىپ، ءبىر دۇكەنگە كىرگەن كەزدە ەلدىڭ ءبارى ورىسشا سويلەيدى. مەن قازاقشا سۇراق قويسام، ماعان ورىسشا جاۋاپ بەرەدى. مەن ءوزىم ۇيالامىن،– دەدى ۆلاديمير چەپەل facebook پاراقشاسىندا جاريالانعان ۆيدەودا.
پىكىر قالدىرۋ