پولشادا 16 جاستاعى قازاقستان ازاماتى وق جاراقاتىنان قايتىس بولدى. بۇل تۋرالى سىرتقى ىستەر مينيسترلىگىنىڭ باسپا ءسوز قىزمەتى مالىمدەدى.
ۆەدومستۆونىڭ مالىمەتىنشە، وقيعا قاراشانىڭ 2ء-سى كۇنى پولشانىڭ وپولە ليۋبەلسكوە قالاسىندا بولعان. قايتىس بولعان ازامات 2004 جىلى دۇنيەگە كەلگەنى انىقتالدى.
"2004 جىلى تۋعان قازاقستان ازاماتى وق جاراقاتى سالدارىنان قازا تاپتى. تەرگەۋ امالدارى جۇرگىزىلۋدە. قازىرگى تاڭدا ەلشىلىك ق ر ازاماتىنىڭ تۋىستارىمەن بايلانىس ورناتىپ، ونىڭ دەنەسىن ەلگە قايتارۋ جۇمىستارىن اتقارىپ جاتىر" دەلىنگەن حابارلامادا.
پىكىر قالدىرۋ