الماتى اكىمى باقىتجان ساعىنتايەۆ جۇمىس ساپارى بارىسىندا بيىل اباتتاندىرۋ جۇمىستارى ءجۇرىپ جاتقان اۋداننىڭ ءبىرقاتار قوعامدىق كەڭىستىكتەرىندە بولدى.
قالا اكىمى ب. ساعىنتايەۆ Instagram پاراقشاسىندا جاڭارعان اۋلالار مەن جاياۋ جۇرگىنشى ايماقتارى قوعامدىق كەڭىستىكتى نۇرلاندىرا تۇسكەنىن اتاپ ءوتتى.
"اۋدانعا جاساعان جۇمىس ساپارى كەزىندە اۋماقتاردى وزگەرتۋگە كەشەندى تۇردە قاراپ، شاڭ-توزاڭ بولماۋ ءۇشىن بارلىق بوس ۋچاسكەلەردى بارىنشا كوگالداندىرۋدى تاپسىردىم. بيىل اۋداندا 205 اۋلا، 9 سكۆەر جوندەلىپ، 5 بوس ۋچاسكە، 2 جاعالاۋ ايماعى اباتتاندىرىلدى. №10 ىقشاماۋدانداعى جاياۋ جۇرگىنشىلەر ايماعى جوندەلۋدە" دەپ جازدى الماتى اكىمى.
ب. ساعىنتايەۆ بۇل جۇمىستاردىڭ بارلىعى تۇرعىندارمەن وتكەن ەسەپ بەرۋ كەزدەسۋلەرىندە ايتىلعان وتىنىشتەر بويىنشا جاسالعانىن اتاپ ءوتتى.
"ادامداردىڭ كوڭىل-كۇيلەرىنىڭ قالاي جاقسارىپ جاتقانىن بايقاۋ قيىن ەمەس. ىقشاماۋداندار ءومىر سۇرۋگە ىڭعايلى بولىپ تۇرلەنۋدە. ىڭعايلى ورىندىقتار، ۇستەل ويىندارىنا ارنالعان ۇستەلدەر، بالالار الاڭدارى تۇرعىندارعا ۇزاق قىزمەت ەتەرى ءسوزسىز" دەپ اتاپ وتكەن ب. ساعىنتايەۆ قالا تۇرعىندارى بۇرىنعىشا وزدەرى تۇراتىن جەردى اباتتاندىرىپ، گۇلدەر مەن اعاشتار وتىرعىزۋدى قولعا السا دەگەن ۇسىنىسىن ءبىلدىردى.
"ءتارتىپ ساقتاپ، بالالارىمىزعا قالامىزعا ۇقىپتى قاراۋدىڭ ۇلگىسىن كورسەتەيىك" دەدى مەگاپوليس اكىمى.
پىكىر قالدىرۋ