ۇلتارازدىقتى قوزدىرعان قوستاناي وبلىسى رۋدنىي قالاسىنىڭ تۇرعىنى كيريلل الەكساندروۆيچ بوجكو 2 جىلعا سوتتالدى. بۇل تۋرالى وبلىستىق سوتتىڭ باسپا ءسوز قىزمەتى حابارلادى.
"سوتتالۋشىنىڭ كىناسى بەينەجازبا جانە ارنايى ساراپتاما قورىتىندىسىمەن دالەلدەندى. سوت ءىس بويىنشا بارلىق ءمان-جايدى ەسكەرە وتىرىپ، بوجكونى 2 جىلعا باس بوستاندىعىنان ايىرۋ جازاسىن تاعايىندادى. ۇكىم زاڭدى كۇشىنە ەنگەن جوق" دەلىنگەن حابارلامادا.
ەسكە سالا كەتەيىك، كيريلل بوجكو Inter ۆاتا youtube ارناسىنا بەرگەن سۇحباتىندا قازاقستان رەسپۋبليكاسىنىڭ مەملەكەتتىك ءتىلىن، جەرىن قورلاپ، قازاق حالقىنىڭ ار-نامىسىنا تيەتىن سوزدەر ايتقان بولاتىن.
كەيىننەن كيريلل بوجكو ۇلتارازدىقتى قوزدىراتىن سوزدەرى ءۇشىن كەشىرىم سۇراپ، وكىنىش بىلدىرگەن. الايدا جەلىدە كەي قولدانۋشىلار ازاماتتى قازاقستاننىڭ قىلمىستىق كودەكسىنىڭ 174-بابى (الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني ارازدىقتى قوزدىرۋ) بويىنشا جاۋاپقا تارتۋدى تالاپ ەتكەن.
پىكىر قالدىرۋ