پاۆلودار، پەتروپاۆل وبلىستارى مەن بالقاش قالاسىندا كارانتين رەجيمى كۇشەيتىلدى. بۇل تۋرالى وڭىرلەردىڭ باس سانيتار دارىگەرى مالىمدەدى.
پاۆلودار وبلىسىنىڭ باس مەملەكەتتىك سانيتار دارىگەرى باتىربەك الييەۆ قاۋلىسى بويىنشا قالاعا كىرىپ-شىعۋ شەكتەلەدى.
باقىلاۋ-وتكىزۋ پۋنكتەرى ارقىلى قوزعالۋ ءۇشىن pvlinfo.kz سايتىنا تىركەلۋ قاجەت. 9-13 قاراشا ارالىعىندا جۇمىس بەرۋشىنىڭ مورىمەن كۋالاندىرىلعان، ەركىن نىسانداعى انىقتاماسى بولعان جاعدايدا قالاعا كىرىپ-شىعا الادى.
قاۋلىنىڭ تولىق نۇسقاسى مىنا جەردە.
سولتۇستىك قازاقستان وبلىسىنىڭ باس مەملەكەتتىك سانيتار دارىگەرىنىڭ ورىنباسارى ت. گورلوۆا قاۋلىسىمەن 9 قاراشادا ساعات 00:00-دەن باستاپ، پەتروپاۆل وبلىسىنىڭ قىزىلجار اۋدانىنا قاتىستى كارانتين شارالارى كۇشەيتىلەدى.
قاۋلىعا سايكەس:
1) كورشىلەردىڭ، تانىستاردىڭ، تۋىستاردىڭ، ارىپتەستەردىڭ ساپارلارىن
شەكتەلۋگە ءتيىس؛
2) تۇراتىن جەرى بويىنشا وتباسىلىق ءىس-شارالاردى وتكىزۋگە تىيىم
سالىنادى؛
3) قوعامدىق ورىنداردا 3 ادامنان (وتباسى مۇشەلەرىن قوسپاعاندا)
كەمىندە 2 مەتر قاشىقتىقتاعى توپتاردىڭ بولۋى شەكتەلەدى؛
4) جەرلەۋ راسىمدەرى كەزىندە كەمىندە 2 مەتر قاشىقتىقتى ساقتاي
وتىرىپ، 30-دان استام ادامنىڭ (نەگىزىنەن وتباسى مۇشەلەرىنىڭ) جينالۋىنا
جول بەرىلمەيدى؛
5) رەسپيراتورلىق ينفەكسيانىڭ العاشقى بەلگىلەرى پايدا بولعان كەزدە
(قۇرعاق جوتەل، قىزبا، تىنىس الۋدىڭ قيىنداۋى، ەنتىگۋ جانە ت. ب.) جەدەل
مەديسينالىق كومەكتى 103 ءنومىرى بويىنشا شاقىرۋ ارقىلى مەديسينالىق
ۇيىمدارعا بارماي-اق، ۇيدە دەرەۋ مەديسينالىق كومەككە جۇگىنۋ قاجەت؛
6) قازاقستان رەسپۋبليكاسى باس مەملەكەتتىك سانيتاريالىق دارىگەرىنىڭ
2020 جىلعى 23 قازانداعى № 57-ااكد قاۋلىسىنىڭ 4-قوسىمشاسىنا سايكەس
«قازاقستان رەسپۋبليكاسىنىڭ حالقى اراسىندا كوروناۆيرۋستىق ينفەكسيامەن
اۋرۋلاردىڭ الدىن الۋ جونىندەگى شارالاردى ودان ءارى كۇشەيتۋ تۋرالى» جەكە
قورعانۋ قۇرالدارىن پايدالانۋ جانە كادەگە جاراتۋ الگوريتمىن ساقتاۋعا،
ونىڭ ىشىندە:
ا) قوعامدىق ورىنداردا، حالىقتىڭ كەلۋىنە، قىزمەت كورسەتۋىنە جانە
دەمالۋىنا ارنالعان ءۇي-جايلاردا، قوعامدىق كولىكتە، مەديسينالىق نەمەسە
ماتا بەتپەردەلەرىن كيۋ، بەس جاسقا دەيىنگى بالالاردى، سونداي-اق الەۋمەتتىك
قاشىقتىقتى ساقتاي وتىرىپ، قوعامدىق تاماقتانۋ ورىندارىندا تاماق ءىشۋ
جاعدايلارىن قوسپاعاندا، مىندەتتى بولىپ تابىلادى؛
ب) قوعامدىق ورىنداردا اشىق اۋادا مەديسينالىق نەمەسە ماتا
بەتپەردەلەرىن كيۋ، بەس جاسقا دەيىنگى بالالاردى جانە ەكى مەتردەن كەم ەمەس
الەۋمەتتىك قاشىقتىقتى ساقتاۋ كەزىندە 5 ادامنان اسپايتىن جەكە، توپتىق
سپورتپەن شۇعىلداناتىن ادامداردى قوسپاعاندا، مىندەتتى بولىپ تابىلادى.
7) 65 جاستان اسقان ادامدارعا، سونداي-اق بارلىق تۇرعىندارعا ساعات
22.00-دەن 06.00-گە دەيىن، دارى-دارمەكتەر مەن مەديسينالىق ماقساتتاعى
بۇيىمداردى ساتىپ الۋ جاعدايلارىن قوسپاعاندا، اسا قاجەت بولماسا،
تۇرعىلىقتى جەرىنەن كەتپەۋگە كەڭەس بەرىلەدى.
بالقاش قالاسىنىڭ باس سانيتار دارىگەرى ل.ك.باتانايەۆا 23 قازانداعى №24 "بالقاش قالاسىندا شەكتەۋ شارالارىن كۇشەيتۋ تۋرالى" قاۋلىسىنىڭ كۇشى جويىلعانىن حابارلادى.
"ودان ءارى قاراعاندى وبلىسىنىڭ باس سانيتار دارىگەرىنىڭ قاۋلىسىنا سايكەس بالقاش قالاسىنىڭ اۋماعىندا كوروناۆيرۋس ينفەكسياسىنىڭ تارالاۋىن الدىن الۋ جانە بولدىرماۋ شارالارى بويىنشا شارا قابىلدانادى" دەلىنگەن قاۋلىدا.
پىكىر قالدىرۋ