الماتىدا "Nur Otan" قالالىق فيليالىنىڭ كونفەرەنسياسىندا ءماسليحاتقا پارتيالىق ءتىزىم قالىپتاستىرىلىپ، پارلامەنت ءماجىلىسىنىڭ پارتيالىق تىزىمىنە كانديداتتار انىقتالدى. سونداي-اق، قالالىق سايلاۋالدى باعدارلاماسى بەكىتىلىپ، پارتيانىڭ XX سەزىنە قاتىسۋ ءۇشىن دەلەگاتتار سايلاندى، دەپ حابارلايدى "Nur Otan" ورتالىق اپپاراتىنىڭ باسپا ءسوز قىزمەتى.

سونىمەن، ەڭ جوعارى رەيتينگىسى بار پرايمەريزگە قاتىسۋشىلار قاتارىنان جانە فيليال كۆوتاسىن ەسكەرە وتىرىپ، قالا ءماسليحاتىنا 1 ورىنعا 2 ادام قاعيداتى بويىنشا 78 كانديداتتان تۇراتىن پارتيالىق ءتىزىم ءتۇزىلدى.

تىزىمگە بەلگىلى قوعام قايراتكەرلەرى، ازاماتتىق سەكتور، ب ا ق وكىلدەرى كىردى. ولاردىڭ اراسىندا كوپ بالالى انا گۇلجان بەكەنوۆا، پرايمەريزدىڭ ەڭ جاس قاتىسۋشىسى – شاحماتشى جانسايا ابدىمالىك، كارديوحيرۋرگ دارىگەر المات قوداسبايەۆ جانە باسقالارى بار. تولىق پارتيالىق تىزىممەن primaries.kz سايتىندا تانىسۋعا بولادى.

تالداۋ كورسەتكەندەي، تىزىمدەگى ايەلدەردىڭ ۇلەسى 2 ەسە - 16-دان 35%-عا دەيىن، ال 35 جاسقا دەيىنگى جاستار 6 ەسە - 2،7-دەن 20%-عا دەيىن ءوستى. ۇمىتكەرلەردىڭ ورتاشا جاسى 8 جاسقا – 52 جاستان 44 جاسقا دەيىن جاساردى. قىزمەتتەگى 29 دەپۋتاتتىڭ 16-سى عانا جاڭا پارتيالىق تىزىمگە ەندى.

تىزىمدە شوب وكىلدەرىنىڭ ۇلەسى باسىم – 41%، ءبىلىم بەرۋ سالاسى – 14،1%، ۇكىمەتتىك ەمەس ۇيىمدار – 11،5% جانە ت.ب.

كونفەرەنسيا بارىسىندا ماجىلىسكە پارتيالىق تىزىمگە ۇمىتكەرلەر اراسىندا پىكىرسايىس ءوتتى. ءبىرىنشى راۋندتا قاتىسۋشىلار وزدەرىنىڭ سايلاۋالدى باعدارلامالارىنىڭ نەگىزگى تەزيستەرىن تانىستىردى، ەكىنشى راۋندتا "سۇراق-جاۋاپ" تۇرىندە پىكىرتالاس سەسسياسى ءوتتى.

13 ۇمىتكەردىڭ ىشىنەن پارتيا مۇشەلەرى «پرايمەريز» اقپاراتتىق جۇيەسى ارقىلى قالالىق كۆوتاعا سايكەس 7 كانديداتتى تاڭدادى.

پارلامەنتتىڭ تومەنگى پالاتاسىنىڭ دەپۋتاتى ارتۋر پلاتونوۆ، المالى اۋداندىق فيليالىنىڭ ءتوراعاسى بەكقالي تورعايەۆ، ءبىلىم بەرۋ سالاسىنىڭ وكىلى جۇلدىز دوسبەرگەنوۆا، قالالىق قوعامدىق كەڭەستىڭ وكىلى التىناي كوبەيەۆا، قوعام بەلسەندىسى جانە "مەن الماتىلىقپىن" قوزعالىسىنىڭ جەتەكشىسى كونستانتين اۆەرشين، جاسوتاندىق ءمادي احمەتوۆ جانە بيزنەس وكىلى شۋحرات شاردينوۆ ەڭ كوپ داۋىس جينادى.

فيليال ءتوراعاسىنىڭ ءبىرىنشى ورىنباسارى ستانيسلاۆ كونكۋروۆ اتاپ وتكەندەي، پارتيانىڭ قالالىق سايلاۋالدى باعدارلاماسى الماتىنى دامىتۋدىڭ 12 درايۆەرىن جانە پرايمەريز اياسىندا تۇرعىنداردان تۇسكەن ۇسىنىستاردى ەسكەرە وتىرىپ ازىرلەنگەن.

ەسكە سالا كەتەيىك، بۇعان دەيىن «Nur Otan» پارتياسى وڭىرلىك فيليالداردىڭ كونفەرەنسيا كەستەسىن جاريالاعان بولاتىن، ونىڭ بارىسىندا بارلىق دەڭگەيدەگى ءماسليحاتتارعا پارتيالىق تىزىمدەر جانە ءار وڭىردەن ماجىلىسكە ارنالعان پارتيالىق تىزىمگە كانديداتتار انىقتالاتىن بولادى.

سونىمەن، كەشە شىمكەنت قالاسىندا كونفەرەنسيا ءوتتى، ال ەرتەڭ نۇر-سۇلتان قالاسىندا كونفەرەنسيا وتەدى. الماتى، قاراعاندى جانە قىزىلوردا وبلىستارىندا 16 قاراشا كۇنى وتەدى. اقمولا، شىعىس قازاقستان، جامبىل، باتىس قازاقستان، تۇركىستان، اتىراۋ، قوستاناي، ماڭعىستاۋ، پاۆلودار جانە سولتۇستىك قازاقستان وبلىستارىندا 17 قاراشادا وتكىزىلەدى دەپ جوسپارلانىپ وتىر.

قالالىق جانە ايماقتىق كونفەرەنسيالاردا كانديداتتار اراسىنداعى پىكىرسايىس پرايمەريزدىڭ ەكىنشى دەڭگەيى اياسىندا وتكىزىلەدى.

پارتياىشىلىك ىرىكتەۋدىڭ ءبىرىنشى كەزەڭىنە 10 مىڭ كانديدات قاتىستى. ونىڭ 37%-ى – ايەلدەر، 29%-ى – 35 جاسقا دەيىنگى جاستار. باستاۋىش پارتيا ۇيىمدارىنان كانديداتتاردىڭ 30%-ى ۇسىنىلسا، 70%-ى – ءوزىن-وزى ۇسىنۋشىلار. ۇمىتكەرلەردىڭ ورتاشا جاسى – 43 جاس. بۇل رەتتە داۋىس بەرۋگە 662 مىڭنان استام پارتيالىق قاتىستى.