شارا دۇنيەجۇزىلىك ءسۇت بەزى قاتەرلى ىسىگىنە قارسى كۇرەس كۇنى قارساڭىندا ۇيىمداستىرىلىپ وتىر.

الماتى قالالىق دەنساۋلىق ساقتاۋ باسقارماسىنىڭ حابارلاۋىنشا، 15 قازان - دۇنيەجۇزىلىك ءسۇت بەزى قاتەرلى ىسىگىنە قارسى كۇرەس كۇنى.وسىعان بايلانىستى 10 –17 قازان كۇندەرى تاڭعى ساعات 09.00-دەن 15.00-گە دەيىن «الماتى ونكولوگيالىق ورتالىعىندا» قاتەرلى ىسىكتى ەرتە انىقتاۋ ماقساتىندا اشىق ەسىك كۇنى وتەدى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا قاتەرلى ىسىك اۋرۋلارى الەمدە ءولىمنىڭ ەكىنشى نەگىزگى سەبەبى. قازاقستاندا جىل سايىن 3 مىڭنان استام ءسۇت بەزى قاتەرلى ىسىگى انىقتالادى. ونى العاشقى كەزەڭدەردە مامموگرافيا جانە ءسۇت بەزىنىڭ ۋلترادىبىستىق زەرتتەۋى ارقىلى انىقتاۋعا بولادى. 40 جاستان اسقان ءاربىر ايەل 2 جىلدا ءبىر رەت مامموگرافيادان ءوتۋى كەرەك. جاسىنا قاراماستان، كەۋدەدەگى كەز كەلگەن تۇزىلىمدەر انىقتالسا، ونكولوگپەن كەڭەسۋ كەرەك. اۋرۋدىڭ الدىن الۋعا وتباسىلىق ءومىردىڭ ۋاقتىلى باستالعانى اسەر ەتەدى. بوسانۋ جانە ەمىزۋ ءسۇت بەزى قاتەرلى ىسىگىنىڭ ءقاۋپىن ازايتادى. ەرتە كەزەڭدە دياگنوز قويۋ كەزىندە تولىق ەمدەلۋ ىقتيمالدىعى 100% جەتەدى.

پروفيلاكتيكالىق تەكسەرۋدىڭ ۋاقىتى مەن وتكىزىلەتىن ورنى:

1. كلينيكالىق-دياگنوستيكالىق بولىمشە: پاپانين ك-سى، 220 ليتەر A. 1-قابات

2. سكرينينگتىك بولىمشە: وتەپوۆ كوشەسى، 7ا، 2-قابات.

اشىق ەسىك كۇنىنە بايلانىستى بارلىق سۇراقتار بويىنشا مىنا تەلەفوندارعا حابارلاسۋعا بولادى: + 7-707-7617262؛ + 7-707-4974414؛ + 7-727-312-24-74.