الماتىدا جەڭىستىڭ 75 جىلدىعىنا وراي ەكىنشى دۇنيەجۇزىلىك سوعىس ارداگەرلەرىنە ارنايى اللەيا اشىلدى.

200 اعاش وتىرعىزۋ باستاماسىن ق ر تۇڭعىش پرەزيدەنت قورىنىڭ قولداۋىمەن رەسپۋبليكالىق «گەنەرالدار كەڭەسى» قوعامدىق بىرلەستىگى قولعا العان.

«بۇل جەرگە 200 ۇيەڭكى اعاشى وتىرعىزىلدى. جاس شىبىقتار ءقازىر جايقالىپ تۇر. كوپ ادامدار اعاشقا جەكە جەكە جاۋىنگەردىڭ اتىن بەرۋدى ۇسىندى. ءبىراق، مەن ولاي ەتپەۋگە شەشىم قابىلدادىم. بىزدە باتىرلار كوپ، ال اعاش سانى 200-اق. ەگەر ولاردىڭ ۇرپاقتارى اعاشتاردان اتاسىنىڭ اتىن تاپپاسا ىڭعايسىز بولادى. بۇل ساياباق سوعىس ارداگەرلەرىنىڭ باتىرلىعىن دارىپتەۋگە مۇمكىندىك بەرەدى»، - دەدى گەنەرال الماسبەك ابدراحمانوۆ.

سالتاناتتى شاراعا سوعىس ارداگەرلەرى، تىل ەڭبەككەرلەرى، اسكەري ارداگەرلەر جينالدى.

«ۇوس قاتىسۋشىلارى اللەياسى» ق ر تۇڭعىش پرەزيدەنتى پاركىنىڭ باتىس جاعىندا ورنالاسقان.

ايتا كەتۋ كەرەك، بۇل شارا بيىل جەڭىس كۇنىنە جوسپارلانعان بولاتىن. الايدا، كارانتينگە بايلانىستى كەيىنگە شەگەرىلدى.