ەرجان باباقۇماروۆ ءدىني بىرلەستىكتەردىڭ كوشباسشىلارىنا قالا اكىمىنىڭ اتىنان العىس حات تابىستادى.

الماتىدا اكىمشىلىگى ءدىني بىرلەستىكتەر كوشباسشىلارىن رۋحاني كەلىسىم كۇنىمەن قۇتتىقتادى.

18 قازان كۇنى قازاقستان بويىنشا رۋحاني كەلىسىم كۇنى اتالىپ وتەدى. بۇل مەرەكە قالا تۇرعىندارىن ۇلتى مەن دىنىنە قاراماستان بىرىكتىرۋگە، قوعامداعى تۇراقتىلىق مەن كەلىسمىدى ساقتاۋعا جانە ودان ءارى دامىتۋعا باعىتتالعان.

الماتى قالاسى اكىمىنىڭ ورىنباسارى ەرجان باباقۇماروۆ قالالىق ءدىني بىرلەستىك كوشباسشىلارى كلۋبىنىڭ مۇشەلەرىمەن كەزدەسۋ وتكىزدى. اتالعان شاراعا قازاقستان مۇسىلماندارى ءدىني باسقارماسىنىڭ، ورىس پراۆوسلاۆ شىركەۋىنىڭ، ريم-كاتوليك شىركەۋىنىڭ، ەۆانگەلشىل-حريستيان باپتيستەردىڭ وكىلدەرى قاتىستى.

كەزدەسۋ بارىسىندا رۋحاني كەلىسىم سالاسىنداعى ءوزارا بايلانىس، تولەرانتتىلىق پەن ءداستۇرلى قۇندىلىقتار ماسەلەسى، سونداي-اق دەسترۋكتيۆتى ءدىني يدەولوگيانىڭ تارالۋىنا جول بەرمەۋ ماقساتىندا تۇرعىندارمەن كەرى بايلانىستى كۇشەيتۋ ماسەلەلەرى تالقىلاندى.

سونىمەن قاتار، ءالى ءقاۋىپى سەيىلمەگەن پاندەميا كەزىندەگى حالىقتىڭ اۋىزبىرشىلىكتە بولۋىنا جەكە توقتالىپ ءوتتى.

ءوز كەزەگىندە، كلۋب مۇشەلەرى رۋحاني كەلىسىم كۇنىنىڭ ەرەكشە ماڭىزدىلىعىن اتاپ وتە وتىرىپ، ءدىني بىرلەستىكتەردىڭ بۇدان ءارى جۇمىسىنا بايلانىستى ۇسىنىستارىن جەتكىزدى.

اتاپ ايتقاندا، قالانىڭ باس يمامى ەركىنبەك شوقاي، ۆوزنەسەن كافەدرالدىق سوبوردىڭ كليۋچارى الەكساندر سۋۆوروۆ جانە الماتىداعى قاسيەتتى ۇشتىك ەپارحياسىنىڭ باس ۆيكاريى بەدنارسكي يان بوگۋميل قاتىسۋشىلاردى مەرەكەمەن قۇتتىقتاپ، ءبىرقاتار ۇسىنىسىن ءبىلدىردى.

شارا بارىسىندا ەرجان باباقۇماروۆ قالانىڭ قوعامدىق ومىرىنە بەلسەنە ارالاسقان كلۋبتىڭ ءبىرقاتار مۇشەلەرىن قۇتتىقتاي وتىرىپ، قالا اكىمى باقىتجان ساعىنتايەۆتىڭ اتىنان العىس حات تابىستادى.

الماتى قالاسى ءدىن ىستەرى باسقارماسىنىڭ جانىنداعى ەرىكتى كونسۋلتاتيۆتىك-كەڭەسشى ورگان سانالاتىن كلۋب قىزمەتىن 2017 جىلى باستاعان. قۇرامىندا 30 جۋىق ءارتۇرلى ءدىني بىرلەستىك بار.

كلۋبتىڭ ماقساتى - ءدىن سالاسىنداعى وزەكتى ماسەلەلەردى تالقىلاۋ. سونداي-اق، كلۋب مۇشەلەرى قازاقستان حالقى اسسامبلەياسىنىڭ جۇمىسىنا قاتىسادى جانە ءدىني سەنىم بوستاندىعى سالاسىنداعى زاڭنامانى جەتىلدىرۋ بويىنشا ۇسىنىس ەنگىزە الادى.