سەمەي قالاسى كاسىپكەرلەرى كارانتيندىك شەكتەۋ شارالارىن جەڭىلدەتۋ تالابىمەن الاڭعا جينالدى. شاعىن جانە ورتا بيزنەستىڭ 50-دەن استام وكىلى قالا اكىمى ەرماك سالىموۆپەن كەزدەسىپ، نارازىلىق ءبىلدىردى.
كەزدەسۋ بارىسىندا ىندەتتىڭ وبلىس اۋماعىندا تارالۋ قارقىنى ارتىپ، شىعىس قازاقستان «قىزىل ايماققا» ەنگىزىلگەن تۇستا، قاندايدا ءبىر بوساڭسۋلار مەن جەڭىلدىكتەر تۋرالى ءسوز ايتۋ ورىنسىز ەكەنى ايتىلدى.
ەكىنشى تولقىن كەزىندە ناۋرىز-ماۋسىم ايلارىنداعىداي قاتاڭ شارالار قابىلدانبادى. دەگەنمەن، كاسىپكەرلەر سونىڭ وزىندە كارانتين شارالارىن بۇزاتىن ارەكەتتەرگە جول بەرىپ وتىر. سوڭعى مىسال – سەمەي مەيرامحانالارىنىڭ بىرىندە ۇيىمداستىرىلعان ۇيلەنۋ تويى. وندا تانىمال سپورتشىلار، ونەر ادامدارى، بيزنەسمەندەر مەن شوۋمەندەر جينالعان. ءبىر قىزىعى، رۇقسات ەتىلمەگەن سالتاناتتى مەرەكەگە قاتىسقانداردىڭ اراسىندا كوروناۆيرۋسپەن اۋىرىپ شىققاندار بار.
قازىرگى كەزدە ورتا جانە كىشى كاسىپ ورىندارىنا كارانتين نورمالارىن ساقتاي وتىرا جۇمىس ىستەۋىنە رۇقسات.
پىكىر قالدىرۋ