قازاقستان پرەزيدەنتى قاسىم-جومارت توقايەۆ وزبەكستان پرەزيدەنتى شاۆكات ميرزيويەۆپەن تەلەفون ارقىلى سويلەستى، دەپ حابارلادى اقوردانىڭ رەسمي سايتى.
قازاقستان مەن وزبەكستان پرەزيدەنتتەرى ءارتۇرلى سالالارداعى ەكىجاقتى ىنتىماقتاستىقتىڭ دامۋىنا قاناعاتتاناتىندارىن ايتقان. اڭگىمەلەسۋ بارىسىندا جاقىن جىلدارى اتقارىلاتىن بىرلەسكەن جوبالار تالقىلانعان.
"مەملەكەت باسشىلارى ورتالىق ازياداعى احۋالدى تالقىلاۋ كەزىندە وڭىردەگى تۇراقتىلىق پەن قاۋىپسىزدىكتى قامتاماسىز ەتۋدە بىرلەسىپ جۇمىس ىستەۋگە ۋاعدالاستى. قازاقستان مەن وزبەكستان قىرعىز حالقىنا ەكونوميكالىق جانە گۋمانيتارلىق كومەك كورسەتەدى.
سونىمەن قاتار، قاسىم-جومارت توقايەۆ پەن شاۆكات ميرزيويەۆ 10 قاراشا كۇنى رەسەيدىڭ توراعالىعىمەن وتكەن شانحاي ىنتىماقتاستىق ۇيىمى ءسامميتىنىڭ ناتيجەلەرىن جوعارى باعالادى" دەلىنگەن اقپاراتتىق حابارلامادا.
پىكىر قالدىرۋ