"ەگەر دجو بايدەن رەسمي تۇردە 2020 جىلعى پرەزيدەنت سايلاۋىنىڭ جەڭىمپازى دەپ جاريالانسا، دونالد ترامپ 2024 جىلعى سايلاۋعا قاتىسۋدى ويلاستىرۋدا" دەپ حابارلادى اقش اقپارات اگەنتتىكتەرى.
ترامپ كەڭەسشىلەرىنە كەلەسى سايلاۋعا قاتىسۋ نيەتى بار ەكەنىن ايتقانى حابارلاندى. بۇل تۋرالى "Axios" جاڭالىقتار اگەنتتىگى ءبىرىنشى بولىپ نيۋ-يورك تايمس گازەتىنە سۇيەنە وتىرىپ حابارلادى.
"سايلاۋ الدىنداعى الاياقتىق ايىپتاۋلارىنا بايلانىستى سوتقا جۇگىنۋگە ۋادە بەرگەننەن كەيىن ترامپ 2024 جىلعى سايلاۋداعى كانديداتۋراسى تۋرالى ءوزىنىڭ ويلارىن ايتتى" دەپ حابارلانعان.
ول "داۋىستاردى شىنايى ساناۋ" بولعانعا دەيىن "تىنىم تاپپايتىنىن" ايتقان. ءبىراق تاۋەلسىز باقىلاۋشىلار كەڭ اۋقىمدى الاياقتىق تۋرالى تالاپتاردان باس تارتقان.
وتكەن اپتادا جاريالاعان مالىمدەمەدە ترامپ "ءبىز دجو بايدەننىڭ نەگە ءوزىن جەڭىمپاز رەتىندە كورسەتۋگە اسىعىپ جاتقانىن جانە ونىڭ مەديا وداقتاستارى وعان كومەكتەسۋگە تىرىسىپ جاتقانىن ءبارىمىز بىلەمىز: ولار شىندىقتىڭ اشىلعانىن قالامايدى" دەگەن.
سونىمەن قاتار ترامپ قىزمەتتەن كەتكەننەن كەيىن رەسپۋبليكاشىلدار پارتياسىنا ءبىراز ىقپال ەتۋىن ساقتاپ قالۋعا مۇمكىندىك بەرەتىن فەدەرالدىق قور جيناۋ ورگانى – ساياسي ءىس-قيمىل كوميتەتىن قۇرۋدى جوسپارلاپ وتىر.
ترامپ سايلاۋ ناۋقانىنىڭ وكىلى تيم مۋرتاۋ نيۋ-يورك تايمس گازەتىنە بۇل كوميتەتتى قۇرۋ جوسپارى ءبىراز ۋاقىتتان بەرى بولعانىن ايتتى.
ول "پرەزيدەنت جەڭۋ نەمەسە ۇتىلۋ جاعدايىن ءاردايىم جوسپارلايتىن، سوندىقتان ول ۇمىتكەرلەردى قولداي الادى جانە الاياقتارىمەن كۇرەسۋ سياقتى ماڭىزدى ماسەلەلەردى شەشە الادى" دەدى.
پىكىر قالدىرۋ