قاراباقتاعى ارميانداردىڭ ماقساتى – قاراباققا قايتۋ ەمەس، شەت ەل اسىپ كەتۋ. بۇل تۋرالى aze.az باسىلىمى حابارلادى.
ارميان ساياساتتانۋشىسى ستەپان دانيەليان Facebook پاراقشاسىندا كوپتەگەن قاراباق ارمياندارىنىڭ رەسەيگە ءبىرجولا كوشىپ كەتۋگە دايىن ەكەنىن جازدى. ويتكەنى ارمەنيادا ولار ءۇشىن ءومىر سۇرۋگە جاعداي جاسالماعان.
– جەڭىلگەن تاراپ ورىندىقتارىن ساقتاۋ تۋرالى عانا ويلايدى. ءبىز گەنوفوندتى جوعالتامىز، اۋماقتاردى جوعالتامىز. مۇنىڭ ءبارىن قالاي سيپاتتاۋعا بولادى؟ – دەپ جازدى دانيەليان.
ەريەۆانداعى نارازىلىق كەزىندە قاراباق ارمياندارىنان بۇدان ءارى نە ىستەيتىندەرىن سۇراعان، ولاردىڭ كوپشىلىگى "ارمەنيادان كەتەمىز" دەپ جاۋاپ بەرگەن.
بۇعان دەيىن قاراباق قاقتىعىسىنىڭ اياقتالعانى تۋرالى حابارلانعان. ارمەنيا پرەمەر-مينيسترى نيكول پاشينيان ازەربايجان پرەزيدەنتى يلحام الييەۆ جانە رەسەي پرەزيدەنتى ۆلاديمير پۋتين تاۋلى قاراباقتا اسكەري ارەكەتتەردى توقتاتۋ تۋرالى كەلىسىمگە قول قويدى. وسىلايشا ءۇش ەلدىڭ اراسىندا بولعان كەلىسىم بويىنشا 3 اۋدان ازەربايجانعا قايتارىلىپ، باسقىنشى اسكەر ايماقتان شىعارىلادى. بۇل كەلىسىمنەن كەيىن ارمەنيا استاناسى ەريەۆاندا پرەمەر-مينيسترگە قارسى ميتينگ ءوتىپ، حالىق پاشينياننىڭ وتستاۆكاعا كەتۋىن تالاپ ەتكەن بولاتىن.
پىكىر قالدىرۋ