شەتەلدە جۇرگەن قازاقستاندىقتار 2021 جىلدىڭ 10 قاڭتارىندا وتەتىن پارلامەنت ءماجىلىسى دەپۋتاتتارىنىڭ كەزەكتى سايلاۋىنا قاتىسا الادى. بۇل تۋرالى سىرتقى ىستەر مينيسترلىگىنىڭ رەسمي سايتى حابارلادى.
53 مەملەكەتتە قازاقستان ازاماتتارىنىڭ سايلاۋ قۇقىعىن قامتاماسىز ەتۋ ءۇشىن 66 سايلاۋ ۋچاسكەسى اشىلادى.
"ق ر سايلاۋ تۋرالى كونستيتۋسيالىق زاڭىنىڭ 24-بابى 8-تارماعىنا سايكەس، قازاقستاننىڭ شەت مەملەكەتتەردەگى وكىلدىكتەرى جانىنداعى سايلاۋ ۋچاسكەلەرى بويىنشا سايلاۋشىلار ءتىزىمى داۋىس بەرۋ كۇنىنە دەيىن وزەكتەندىرىلەدى" دەلىنگەن حابارلامادا.
مينيسترلىكتىڭ مالىمدەۋىنشە، شەتەلدەگى سايلاۋ پروسەسىن ۋاقتىلى جانە تولىقتاي دايىنداۋ ماقساتىندا قازاقستان ازاماتتارى جاقىن ماڭداعى سايلاۋ ۋچاسكەسىنە الدىن-الا حابارلاسىپ، سايلاۋشىلار تىزىمىنە ەنگىزۋ ءۇشىن مالىمەت بەرۋى قاجەت.
پىكىر قالدىرۋ