رۋسلان مەن گۇلجان ۇلتتىق ادەت-عۇرىپتار قايتا جانداناتىن «Qalamaimyn» باعدارلاماسىنا كەزدەيسوق كەلگەندەرىن باياندادى. ءقازىر ولار الماتىداعى جالدامالى پاتەردە تۇرادى. گۇلجان الەۋمەتتىك قىزمەتكەر بولسا، جۇبايى كولىك جۇرگىزۋشىسى بولىپ قىزمەت جاسايدى.
«مەن ءوزىم ۇتىپ الامىن دەگەن مۇلدە وي بولمادى. ارينە، ءۇمىت بولدى. ءبىراق، ۇتىپ العان كەزدەگى سەزىمىم ءالى ويلاسام، كوزىمە جاس كەلەدى» - دەپ اتاپ ءوتتى گۇلجان قاجىنوۆا.
گۇلجانعا وسىندا سىرعا سالىنىپ، ۇزاتىلۋ ءراسىمى دە تەلەجوبا ارقىلى ۇيىمداستىرىلدى. سالت ءداستۇردىڭ وزىعىن كورسەتىپ، ولار ون ەكى جۇپتىڭ اراسىنان سۋىرىلىپ العا شىقتى.
«Qalamaimyn» جوباسى قازاقستان رەسپۋبليكاسىنىڭ پرەزيدەنتى – قاسىم-جومارت كەمەل ۇلى توقايەۆتىڭ: «تەليەۆيزيالىق جانە راديو حابارلارىنىڭ ساپاسىن ارتتىرۋ قاجەت. ارزان ويىن-كۇلكىدەن گورى، ۇلتتىق يدەياعا قىزمەت ەتەتىن توپىراعىمىزدان تامىر العان ءتول باعدارلامالاردى مولايتۋ قاجەت..»،-دەگەن سوزدەرى مەن ۇسىنىسىن نەگىزگە الادى. جوبانىڭ باستى ماقساتى – مەملەكەت باسشىسىنىڭ توي-دۋمانعا قاتىستى ۇندەۋىن حالىققا دۇرىس جەتكىزۋ. ۇلتتىق قۇندىلىقتاردى ۇلىقتاي وتىرىپ، قازاقى قۋانىشتى ءتول ءداستۇر جولىمەن وتكىزۋ. داراقىلىقتان تىيىپ، بۇرمالانعان سالت-سانانى تۇزەتۋ، ۇلكەندەر مەن جاس بۋىننىڭ اراسىنا دانەكەر بولۋ.
«Qalamaimyn» توك-شوۋىنىڭ ءبىرىنشى ماۋسىمىندا «حابار» ارناسىنىڭ كورەرمەندەرىنە ۇيلەنۋ تويى راسىمدەرىنىڭ بارلىق ەرەكشەلىكتەرى كورسەتىلدى. رەاليتي شوۋدىڭ جۇرگىزۋشىلەرى - باۋىرجان يبراگيموۆ، ۇلدانا ەرقاسىم باعدارلامانىڭ 50 شىعارىلىمىندا قازىرگى زامانعى وتباسىلاردىڭ ماسەلەلەرىن تالقىلادى، جوبا بارىسىندا ۇمىتىلعان داستۇرلەر قايتا جاڭعىردى، جاڭا وتباسىلار قۇرىلىپ، وتاۋ قۇرۋشىلار اراسىندا پايدا بولعان ماسەلەلەر اشىق ساراپقا سالىندا. جوبادا جاستارعا قازاقتىڭ سالت-داستۇرلەرى كورسەتىلىپ، ونەگەلى وسيەتتەر ايتىلدى. باعدارلاماعا قوعام قايراتكەرلەرى، ونەر ادامدارى، وتباسى ينستيتۋتتارىنان كەلگەن ساراپشىلار، انشىلەر دە قاتىسىپ وتىردى. پاتەر يەسىن قاتىسۋشىلاردىڭ وزدەرى داۋىس بەرۋ ارقىلى انىقتادى. 
«حابار» ارناسىنداعى شاڭىراق كوتەرۋگە ۋادەلەسكەن عاشىقتاردىڭ وتاۋ قۇرۋىنا سەبەپشى بولعان باعدارلامانىڭ الدا دا تالاي قىزىقتارى ءوز كورەرمەنىن كۇتۋدە. ۇمىت بولىپ بارا جاتقان ءسالت-داستۇردى دارىپتەپ، نانىم-سەنىمدەردى زاماناۋي تۇردە جاڭعىرتىپ، ەفير بارىسىندا ەكى ەلدىڭ قۇدالاسۋىنا كۋا بولاتىن «Qalamaimyn» رەاليتي-شوۋىنىڭ جاڭا ماۋسىمى 16 قاراشادان باستاپ ساعات 17:00-دە «حابار» ارناسىنان جىبەرىپ الماڭىزدار.
پىكىر قالدىرۋ