قازاقستاندا سوڭعى ەكى ايدا ەمحانا تاڭداۋ ناۋقانى جۇرگىزىلدى. 2020 جىلعى 9 قاراشاداعى مالىمەتكە سايكەس 74 مىڭنان استام ادام ەمحاناعا تىركەلىپ ۇلگەردى، دەپ جازادى Qamshy.kz اقپارات اگەنتتىگى الەۋمەتتىك مەديسينالىق ساقتاندىرۋ قورىنىڭ باسپا ءسوز قىزمەتىنە سىلتەمە جاساپ.
مەديسينالىق-سانيتاريالىق كومەك ۇيىمىنا تىركەلۋ تمككك جانە ءمامس جۇيەسى شەڭبەرىندە مەديسينالىق قىزمەتتىڭ بارلىق سپەكترىن الۋ ءۇشىن قاجەت.
ەمحاناعا ەلەكتروندىق ۇكىمەت پورتالى ارقىلى تىركەلۋگە بولادى. ول ءۇشىن "دەنساۋلىق ساقتاۋ" بولىمىندە "مەديسينالىق-سانيتاريالىق العاشقى كومەك كورسەتەتىن مەديسينالىق ۇيىمعا تىركەلۋ" قىزمەتىن تاڭداۋ قاجەت. ونداعى سۇراقتارعا جاۋاپ بەرگەننەن كەيىن، ءوتىنىش اۆتوماتتى تۇردە ەمحاناعا تۇسەدى. ەگەر بارلىعى دۇرىس تولتىرىلسا، ءوتىنىش بەرۋشىگە مەديسينالىق مەكەمەنىڭ ەلەكتروندىق سيفرلىق قولتاڭباسىمەن راستالعان تىركەۋ تۋرالى حابارلاما كەلەدى.
سونىمەن قاتار مساك ۇيىمىندا بۇل قىزمەت زەينەتكەرلەرگە، مۇگەدەكتەرگە، پاترونات تاربيەشىلەرگە، كولونيادا جازاسىن وتەپ جاتقاندارعا، ستۋدەنتتەرگە مەرزىمدى قىزمەتتەگى اسكەري قىزمەتكەرلەرگە، شەتەلدە دۇنيەگە كەلگەن بالالارعا، سونداي-اق سەنىمحات بويىنشا تىركەلۋدى رەسىمدەيتىن ادامدارعا كورسەتىلەدى. ول ءۇشىن ءوتىنىش جازىپ، جەكە باسىن كۋالاندىراتىن قۇجاتتى كورسەتۋ كەرەك.
بەكىتۋ ناۋقانى دەنساۋلىق ساقتاۋ سۋبەكتىلەرىنىڭ دەرەكقورىندا تىركەلگەن جانە تمككك جانە ءمامس بويىنشا مەديسينالىق قىزمەتتەر كورسەتۋگە ۇمىتكەر مەديسينالىق ۇيىمدار اراسىندا عانا جۇرگىزىلەدى. تولىعىراق اقپاراتتى قور سايتىنىڭ «ەمحانانى تاڭداۋ» بولىمىنەن بىلە الاسىز.
ايتا كەتۋ كەرەك، مساك ۇيىمىنا تىركەلگەن ازاماتتار 2021 جىلدىڭ 1 قاڭتارىنان باستاپ تمككك شەڭبەرىندە جانە ءمامس جۇيەسىندە وسى ۇيىمدا مەديسينالىق كومەكتى الا باستايدى.
