16 جەلتوقسان كۇنى جاڭاوزەن وقيعاسى مەن جەلتوقسان قۇرباندارىن ەسكە الۋ ماقساتىمەن ميتينگ وتەدى. بۇل تۋرالى دەموكراتيالىق پارتيا باستاماشىل توبىنىڭ جەتەكشىسى جانبولات ماماي شوقان ءۋاليحانوۆ اتىنداعى الاڭدا ءوتىپ جاتقان ميتينگتە ايتتى.

– دۋلات ءاعادىل ءوزى ۇيدە تۇرمەدە، مەملەكەتتىك مەكەمەدە قايتىس بولدى. ونىڭ ولىمىنە بيلىك كىنالى. كەشە عانا دۋلاتتىڭ ۇلى جانبولات قايتىس بولدى. ادىلەتتى تەرگەۋ جۇرگىزىلۋى كەرەك دەپ ويلايمىن. ءالى دە شىندىق اشىلعان جوق. قازاقستان تاۋەلسىزدىك جىلدارىندا نازاربايەۆ بيلىگىنىڭ تۇسىندا قانشاما ادام قۇربان بولىپ جاتىر. بارلىق ساياسي تۇتقىندار بوستاندىققا شىعۋى كەرەك. مەملەكەت ولاردىڭ الدىندا كەشىرىم سۇراپ، وتەماقى تولەۋى كەرەك. ولار قىلمىسكەر ەمەس! 

ءقازىر نازاربايەۆتىڭ اينالاسىنداعى ادامدار، ونىڭ وتباسى مۇشەلەرى ساناۋلى بانكتەرگە ميلليارداعان اقشا بەرىپ جاتىر. وسى ۋاقىتقا دەيىن 5 تريلليونعا جۋىق اقشانى جەكەمەنشىك بانكەرگە بەردى. ول كىمنىڭ بانكى؟ ول تيمۋر، دينارا قۇلىبايەۆتاردىڭ بانكى، ماشكيەۆيچتىڭ، وتەمۇراتوۆتىڭ جانە باسقا دا بايلاردىڭ بانكى. ميللياردتاعان اقشانى شەتەلگە سالىپ جاتقان، بيلىكتەگى شەنەۋنىكتەر تۇرمەدە وتىرۋ كەرەك، – دەدى ول.

سونداي-اق جانبولات ماماي الداعى ۋاقىتتا دا ميتينگ بولاتىنىن ايتتى.

– 16 جەلتوقسان كۇنى دە ميتينگ وتەدى. جاڭاوزەن مەن جەلتوقساننىڭ قۇرباندارىن ەسكە الامىز! سايلاۋعا بايكوت جاريالايمىز! 10 قاڭتار كۇنى دە ميتينگكە شىعامىز! الاڭعا شىعامىز! – دەدى جانبولات ماماي.