بۇگىن الماتىداعى شوقان ءۋاليحانوۆ اتىنداعى الاڭدا دەموكراتيالىق پارتيا باستاماشىل توبى مەن "باسە" youtube ارناسى بەيبىت ميتينگ وتكىزىپ جاتىر. ازاماتتىق بەلسەندىلەر "جەر ساتىلماسىن"، "نەسيە امنيستياسى جاريالانسىن"، "الدا بولاتىن پارلامەنت سايلاۋىنا بويكوت جاريالاۋ"، "ساياسي تۇتقىنداردى بوساتۋ" تالاپتارىن قويىپ جاتىر.
الاڭدا ازاماتتىق بەلسەندى، جۋرناليست رىسبەك سارسەنباي ءسوز الدى.
– بىزگە ارام سايلاۋدىڭ تۇككە دە كەرەگى جوق! ءبىز سايلاۋعا قاتىسۋدان اشىق تۇردە باس تارتۋىمىز كەرەك! سوندا دا سايلاۋ جۇرگىزىلسە، بۇرمالانعان پارلامەنت دەپ باس تارتۋ كەرەك! ول زاڭسىز سايلاۋ دەۋىمىز كەرەك! سوندا كۇرەس قايتا جالعاسادى. ءبىز جەڭىسكە باراتىن جولدى تازالاۋىمىز كەرەك! نازاربايەۆتىڭ قيسىق زاڭدارىن تۇزەتتىرۋىمىز كەرەك!
ەل ءقازىر بىرىگەتىن جاعدايدا ەمەس. ءبىرى ءبىز سەكىلدى سايلاۋعا قارسى بايكوت جاريالاسا، ەندى ءبىرى اداسۋشىلىقپەن سايلاۋعا بارۋ كەرەك دەپ وتىر. بۇل – ءومىردىڭ شىندىعى. ەكىگە ايىرىلىپ تۇرمىز! – دەيدى جۋرناليست.
پىكىر قالدىرۋ