دجو بايدەن حيللاري كلينتوندى ءوزىنىڭ جاڭا اكىمشىلىگى كەزىندە بۇۇ-داعى اقش ەلشىسى قىزمەتىنە سايلاۋى مۇمكىن. جاڭا سايلانعان پرەزيدەنت قاڭتارداعى يناۋگۋراسياسى قارساڭىندا ءوزىنىڭ نەگىزگى كومانداسىنا ىقتيمال كانديداتتاردى تەكسەرىپ جاتىر، دەگەنمەن دونالد ترامپ 3 قاراشادا اقش-تاعى سايلاۋدا جەڭىلگەنىن مويىنداعان جوق.
2016 جىلى اق ۇيگە تالاستا دونالد ترامپتان ۇتىلعان كلينتون حانىم بايدەننىڭ كابينەتىندەگى ۇلكەن رولدەر شەڭبەرىندەگى ءبىرقاتار جەتەكشى ساياساتكەرلەر مەن ديپلوماتتاردىڭ قاتارىندا.
ينسايدەرلەر ۆاشينگتون پوستقا باراك وبامانىڭ كەزىندە مەملەكەتتىك حاتشى قىزمەتىن اتقارعان بۇرىنعى ءبىرىنشى حانىمنىڭ "پرەزيدەنت ترامپ قىزمەتىنەن كەتكەننەن كەيىن اقش-تىڭ بەدەلى مەن مارتەبەسىن كوتەرۋ" ءۇشىن قايتا شاقىرىلۋى مۇمكىن ەكەنىن ايتتى.
دەرەككوزدەردىڭ بىرىندە "ونى ورنالاستىرۋ سونىمەن بىرگە الەمدىك ىنتىماقتاستىق پەن اقش-تىڭ الەمدىك ارەناداعى ءرولى تومەندەگەن ۋاقىتتا بۇۇ-نىڭ بەدەلىن كوتەرەر ەدى. بايدەن ءقازىردىڭ وزىندە الەمدىك كوشباسشىلاردىڭ ۆاشينگتون تۋرالى تۇسىنىكتەرىن وزگەرتۋگە تىرىستى" دەيدى ۆاشينگتون پوست.
بۇل رولگە باسقا ۇمىتكەرلەردىڭ قاتارىندا يرانمەن يادرولىق كەلىسسوزدەردى باسقارۋعا كومەكتەسكەن ۋەندي شەرمان دا بار، ول وبامانىڭ كەزىندە مەملەكەتتىك دەپارتامەنتتىڭ ساياسي ىستەر جونىندەگى كەڭەسشىسى قىزمەتىن اتقارعان.
ينسايدەرلەر سونداي-اق ينديانا شتاتىنداعى ساۋت-بەند قالاسىنىڭ بۇرىنعى مەرى پيت بۋتتيگەگكە بۇۇ-دا قىزمەتكە ورنالاسۋ مۇمكىندىگى ۇسىنىلۋى ىقتيمال ەكەنىن حابارلادى.
اۋعانستان ارداگەرى بيىل پرەزيدەنت سايلاۋىنا تۇسە المادى، ءبىراق بايدەننىڭ ترامپقا قارسى ناۋقاننىڭ باستى قورعاۋشىلارىنىڭ ءبىرى بولدى.
پىكىر قالدىرۋ