بەلگىلى جۋرناليست جانە ساياساتكەر ەرمۇرات ءباپيدىڭ ۇستىنەن ازاماتتىق بەلسەندى دۋلات ءاعادىلدىڭ ۇلىنىڭ قارالى جيىنىنا قاتىسقانى ءۇشىن قوزعالعان ءىس توقتاتىلدى، دەپ حابارلادى KazTag اگەنتتىگى.

– سوت بولعان جوق. مەن ساعات 10:00-دە كەلدىم. مەنى سول جەردە قارسى الىپ، جەرگىلىكتى پوليسيا قىزمەتىنىڭ بولمەسىنە اپاردى. مەنى نە ءۇشىن ۇستاعاندارىن ايتپاعاندىقتان، ىسپەن تانىسا باستادىم. بەس مينۋتتان كەيىن ولار سوت بولمايتىنىن، مەنى پوست ارقىلى شىعاراتىنىن ايتتى، – دەدى باپي قازتاگ اگەنتتىگىنە بەرگەن جاۋابىندا.

ءباپيدىڭ ايتۋىنشا، ونى پوليسەيلەر سەنبى كۇنى ميتينگكە قاتىستىرماۋ ءۇشىن ۇستاعان.

– مەنى cەنبى كۇنى ميتينگكە قاتىستىرماۋ ءۇشىن ۇستادى دەپ ويلايمىن. جانبولات ءاعادىلدىڭ جانازاسىنا قاتىستى دەگەن ايىپ تاعىپ، مەنى ميتينگكە قاتىسپاسىن دەگەن بولار، – دەدى ول.

14 قاراشا كۇنى ەرمۇرات باپي شوقان ءۋاليحانوۆ الاڭىندا وتكەن ميتينگكە بارا جاتقاندا ۇستالعان بولاتىن.