قوستانايدا كارانتيندىك شەكتەۋ شارالارى كۇشەيتىلەدى. بۇل تۋرالى وبلىس اكىمى ارحيمەد مۇحامبەتوۆ مالىمدەدى.
– كەيبىر كاسىپكەرلىك سۋبەكتىلەرى ەنگىزىلگەن شەكتەۋ شارالارىنا قاراماستان باس سانيتار دارىگەردىڭ قاۋلىسىن ورەسكەل بۇزۋى وبلىستاعى ەپيدەميولوگيالىق جاعدايدىڭ ناشارلاۋىنا اكەپ سوعادى. وسىعان بايلانىستى جەدەل شتاب ءبىر اپتا مەرزىمگە قوسىمشا شەكتەۋلەر ەنگىزۋ تۋرالى شەشىم قابىلدادى، – دەدى ول.
جەدەل شتاب كەلەسى شارالاردى قابىلداۋعا شەشىم قابىلدادى:
- جابىق سپورت نىساندارىنىڭ جۇمىسىنا تىيىم سالۋ؛
- قوعامدىق تاماقتانۋ ورىندارىندا ءبىر ۇستەل باسىندا 4 ادامنان ارتىق بولماۋعا رۇقسات ەتىلەدى. الىپ كەتۋ جانە جەتكىزۋ جۇمىستارى 22:00-گە دەيىن شەكتەلگەن؛
- قالا سىرتىنداعى جول بويىنداعى سەرۆيس قوعامدىق تاماقتاندىرۋ پۋنكتتەرىنە ۋاقىت بويىنشا وزىمەن الىپ كەتۋگە جانە جەتكىزۋگە عانا جۇمىس ىستەۋگە رۇقسات ەتىلگەن؛
- باسسەيندەردىڭ، ونىڭ ىشىندە مونشالار مەن ساۋنالاردىڭ جۇمىسىنا تىيىم سالىنادى؛
- ساۋنالار مەن مونشالاردىڭ جۇمىسى 9:00-دەن 19:00-گە دەيىن شەكتەلگەن؛
- ساناتورييلەر مەن دەمالىس بازالارىنىڭ جۇمىسى توقتاتىلدى؛
- دەمالىس جانە مەرەكە كۇندەرى اۆتو جانە اۋىل شارۋاشىلىعى تەحنيكالارىنا ارنالعان قوسالقى بولشەكتەردى ساتاتىن دۇكەندەردىڭ جۇمىسىنا تىيىم سالىنادى؛
- مەديسينالىق-الەۋمەتتىك سالانىڭ جۇمىسى كارانتين رەجيمىنە اۋىستىرىلادى؛
- بالالار سەكسيالارىنىڭ، ۇيىرمەلەر مەن فاكۋلتاتيۆتەردىڭ جۇمىسىنا تىيىم سالىنادى؛
- پروفيلاكتيكالىق ەگۋلەردەن باسقا، جوسپارلى سكرينينگتەر كورسەتۋ توقتاتىلادى؛
سونداي-اق وبلىس اكىمى حالىقتىڭ تىنىس-تىرشىلىگىن قامتاماسىز ەتۋ ۇيىمدارىنىڭ قىزمەتكەرلەرىنەن باسقا، مەديسينالىق كورسەتكىشتەر بويىنشا كەتەتىن ادامدارعا، ترانزيتتىك جولاۋشىلار مەن اۆتوتاسىمالداۋشىلارعا وبلىس اۋماعىنا جانە قوستاناي مەن رۋدنىي اۋماعىنا كىرۋگە/شىعۋعا تىيىم سالىناتىنىن اتاپ ايتتى.
