دەنساۋلىق ساقتاۋ مينيسترلىگى ۇلتتىق ستاتيستيكا بيۋروسىمەن بىرلەسىپ، مەديسينالىق ستاتيستيكانى باعالاۋ جانە تالداۋ جونىندە كەشەندى جوسپار ازىرلەۋى كەرەك. بۇل تۋرالى پرەزيدەنت ق.توقايەۆ باسشىسى ىندەتىنىڭ تارالۋىنا قارسى ءىس-قيمىل شارالارى جونىندە كەڭەستە ايتتى.
– سونىمەن قاتار بارلىق دەنساۋلىق ساقتاۋ ۇيىمدارىنىڭ تولىق دايىن بولۋىن قامتاماسىز ەتۋدى مىندەتتەدى. بۇل اسكەري مەديسيناعا دا تىكەلەي قاتىستى. سەبەبى ولار ىندەتپەن كۇرەسۋ ءۇشىن شۇعىل كۇش جۇمىلدىرۋعا جانە قۇرالدارمەن جابدىقتاۋعا دايىن بولۋى ءتيىس. مەديسينالىق ۇيىمدارعا جۇرگىزىلگەن باعالاۋ قورىتىندىسى ولاردىڭ دايىندىق دەڭگەيىنىڭ ءالى دە تومەن ەكەنىن كورسەتتى. دەنساۋلىق ساقتاۋ نىساندارىنىڭ جارتىسىنان استامىندا زاڭ بۇزۋشىلىقتار انىقتالعان. اۋرۋحانالار ايماقتارعا تولىق بولىنبەگەن. ناتيجەسىندە ەمدەلۋشىلەر مەن اۋرۋحانا قىزمەتكەرلەرىنىڭ ىندەت جۇقتىرۋ ءقاۋپى ساقتالىپ وتىر. شىن مانىندە، بارلىق وڭىرلەردە جان ساقتاۋ بولىمشەلەرىنىڭ ءتيىستى قۇرال-جابدىقتارمەن تولىققاندى قامتاماسىز ەتىلمەگەنى كورىندى. اتاپ ايتقاندا، كوروناۆيرۋس ىندەتىمەن قاتتى اۋىرعان ناۋقاستاردى ەمدەۋگە قاجەتتى جەكەلەگەن دارى-دارمەكتەر مەن مەديسينالىق بۇيىمداردىڭ جەتىسپەۋشىلىگى بايقالادى. وڭىرلەر ەمدەۋ حاتتاماسىندا كورسەتىلگەن دارى-دارمەكتەردى ەمەس، وزدەرىنىڭ بىلگەنى بويىنشا پرەپاراتتار ساتىپ الۋدا، – دەدى پرەزيدەنت.
اقوردا سايتىنىڭ مالىمەتىنشە، قاسىم-جومارت توقايەۆ دارى-دارمەكتەرمەن قامتاماسىز ەتۋ ماسەلەسىنە ەگجەي-تەگجەيلى توقتالعان. ول مەديسينالىق ۇيىمداردىڭ، ءدارىحانالاردىڭ نە ساتىپ العانىن، جالپى ءبىرىڭعاي ديستريبيۋتەردىڭ قويمالارىنداعى دارى-دارمەك قورىن انىقتاۋدى تالاپ ەتكەن.
ۇكىمەت اكىمدەرىمەن بىرلەسىپ، بەكىتىلگەن ەمدەۋ نورمالارى مەن حاتتاماسىنا سايكەس كەلەتىن دارى-دارمەكتەر مەن مەديسينالىق بۇيىمداردىڭ ساتىپ الىنۋىن قامتاماسىز ەتۋى كەرەكتىگىن اتاپ وتكەن.
پىكىر قالدىرۋ