مەملەكەت باسشىسى ق.توقايەۆ مولدوۆا رەسپۋبليكاسىنىڭ جاڭادان سايلانعان پرەزيدەنتى ماييا ساندۋدى قۇتتىقتادى. بۇل تۋرالى akorda.kz حابارلادى.
قاسىم-جومارت توقايەۆ قازاقستان حالقىنىڭ جانە ءوز اتىنان مولدوۆا رەسپۋبليكاسىنىڭ جاڭادان سايلانعان پرەزيدەنتى ماييا ساندۋدى قۇتتىقتاپ، جەدەلحات جولدادى.
"سايلاۋداعى سەنىمدى جەڭىسىڭىز ءسىزدىڭ دەموكراتيالىق، تۇراقتى جانە ەكونوميكالىق تۇرعىدان وركەندەگەن مەملەكەت قۇرۋ باعىتىڭىز حالىقتان قولداۋ تاپقانىن كورسەتەدى. ءبىز كۇش-جىگەرىمىزدى جۇمىلدىرا وتىرىپ، ءداستۇرلى دوستىق پەن ءوزارا تابىستى ىنتىماقتاستىققا قۇرىلعان قازاق-مولدوۆا قاتىناستارىن نىعايتا تۇسەمىز دەپ ۇمىتتەنەمىن" دەلىنگەن جەدەلحاتتا.
قاسىم-جومارت توقايەۆ ماييا ساندۋعا مولدوۆا رەسپۋبليكاسىنىڭ وسىپ-وركەندەۋ جولىنداعى جاۋاپتى مەملەكەتتىك قىزمەتىنە تولاعاي تابىس تىلەدى.
وقي وتىرىڭىز:
پىكىر قالدىرۋ