پرەمەر-مينيستر اسقار مامين پرەزيدەنت زەينەتاقى مەن جاردەماقىلاردى تاعايىنداۋ جانە تولەۋگە قاتىستى پروسەستەردى تولىعىمەن سيفرلاندىرۋدى تاپسىرعانىن اتاپ ءوتتى. بۇل تۋرالى ول ۇكىمەت وتىرىسىندا مالىمدەدى.
– وسى جىلدىڭ سوڭىنا دەيىن الەۋمەتتىك جانە ەڭبەك سالاسىندا ەلەكتروندىق فورماتتا كورسەتىلەتىن مەملەكەتتىك قىزمەتتەر كورسەتكىشى 90 پايىزعا جەتكىزىلەدى. دەنساۋلىق ساقتاۋ مينيسترلىگىنە ازاماتتارعا قاجەتتى ەلەكتروندىق مەديسينالىق مالىمەتتەردى بەرۋدى قامتاماسىز ەتۋدى تاپسىرامىن. ەڭبەك مينيسترلىگى مەملەكەتتىك ورگاندارمەن بىرلەسىپ، زەينەتاقى مەن جاردەماقىلاردى تاعايىنداۋ جانە تولەۋ پروسەستەرىن سيفرلاندىرۋ ءۇشىن قاجەتتى دەرەكتەردى تولىق سيفرلاندىرۋ مەن جاڭارتۋدى قامتاماسىز ەتۋى كەرەك، – دەدى اسقار مامين.
سونداي-اق ۇكىمەت باسشىسى 2021 جىلى "قاعاز" انىقتامالاردى تولىعىمەن جويۋ قاجەتتىگىنە توقتالدى.
– سمارتفون قولدانۋشىلار سانى وسۋدە، وسى رەتتە مەملەكەتتىك قىزمەتتەر مەن سەرۆيستەردى موبيلدىك پلاتفورمادا كورسەتۋ قاجەتتىلىگى ارتىپ وتىر. ەڭ قاجەتتى الەۋمەتتىك ماڭىزدى مەملەكەتتىك قىزمەتتەردى موبيلدىك فورماتقا كوشىرۋ جۇمىسىن جانداندىرۋ قاجەت. سيفرلىق دامۋ مينيسترلىگىنە مۇددەلى مەملەكەتتىك ورگاندارمەن بىرلەسىپ، بارلىق الەۋمەتتىك ماڭىزدى مەملەكەتتىك قىزمەتتەردى eGov موبايلعا اۋىستىرۋ بويىنشا جوسپاردى بەكىتۋدى تاپسىرامىن. جالپى 2021 جىلى "قاعاز" انىقتامالاردىڭ قاجەتتىلىگىن تولىعىمەن جويۋىمىز كەرەك. "ازاماتتارعا ارنالعان ۇكىمەت" كورپوراسياسىنان قىزمەتتەردى جەتكىزۋدى جانە بارلىق ونلاين قىزمەتتەر مەن سەرۆيستەردىڭ 100 پايىز قولجەتىمدىلىگىن قامتاماسىز ەتۋىمىز قاجەت، – دەدى ول.
پىكىر قالدىرۋ