تۇركيا مەملەكەتتىك دەپارتامەنتتىڭ جوعارى لاۋازىمدى وكىلى پرەزيدەنت رەجەپ تايىپ ەردوعان تۇركياعا ەلگە كەلگەن اقش-تىڭ مەملەكەتتىك حاتشىسى مايك پومپەومەن كەزدەسۋگە ۋاقىت تاپپاعانىن مالىمدەدى. 

– مەملەكەتتىك حاتشى دا، سىرتقى ىستەر ءمينيسترى (ميەۆليۋت) چاۆۋشوگلۋ، سونىڭ ىشىندە تۇرىك شەنەۋنىكتەرى دە، مەنىڭ ويىمشا، پرەزيدەنت ەردوعان دا كەزدەسۋدىڭ بولعانىن قالايدى. كەزدەسۋ بولماي قالدى. سەبەبى پرەزيدەنتتىڭ جۇمىس كەستەسىندە وزگەرىستەر بولىپ، اقش مەملەكەت حاتشىسىنىڭ ساپارى كەزىنە جوسپارلاعان كەزدەسۋگە ۋاقىت تابا المادىق، – دەدى ديپلومات ىستامبۇلداعى بريفينگتە.

تۇركياداعى مەملەكەتتىك دەپارتامەنتتىڭ وكىلى ۆاشينگتون مەن انكارا اراسىندا كەلىسپەۋشىلىكتەر بار ەكەنىن مويىندادى.

– پومپەو ىستامبۇلعا كەلدى، وندا ول كونستانتينوپولدىڭ پاتريارحى بارتولومەيمەن كەزدەسەدى. ال تۇركيانىڭ استاناسى انكاراعا ساپارى ونىڭ كەستەسىندە جوسپارلانباعان، – دەپ تولىقتىردى ول.

بۇعان دەيىن تۇركيانىڭ اقش-پەن قارىم-قاتىناسىنداعى سالقىندىق رەسەيدىڭ س-400 اۋە شابۋىلىنا قارسى قورعانىس جۇيەلەرىن انكاراعا جەتكىزۋ جۇمىستارى باستالعاننان كەيىن پايدا بولدى. ۆاشينگتون تۇركيانىڭ رەسەيمەن جاساسقان مامىلەدەن باس تارتۋدى جانە ونىڭ ورنىنا امەريكالىق پاتريوت جۇيەلەرىن ساتىپ الۋدى تالاپ ەتكەن. جانە ارتىنشا F-35 يسترەبيتەلدەرىن تۇركياعا ساتۋدى كەيىنگە قالدىراتىنىن نەمەسە ساتپايتىنىن ايتىپ قورقىتتى. سونىمەن قاتار "CAATSA ("امەريكانىڭ قارسىلاستارىنا سانكسيالار ارقىلى قارسى تۇرۋ تۋرالى" تۋرالى زاڭعا) سايكەس سانكسيالار سالامىز" دەگەن. سوعان قاراماستان، انكارا ىمىراعا كەلۋدەن باس تارتتى جانە رەسەيدەن قوسىمشا س-400 پارتياسىن ساتىپ الۋ تۋرالى كەلىسسوزدەردى جالعاستىردى.