نۇر-سۇلتان قالاسى جانە قوستاناي، اقتوبە، پاۆلودار، قاراعاندى وبلىستارىندا كارانتين شارالارى كۇشەيتىلدى. بۇل تۋرالى وبلىستاردىڭ باس سانيتار دارىگەرلەرى مالىمدەدى.
نۇر-سۇلتان قالاسىنىڭ باس سانيتار دارىگەرى ج.پرالييەۆا كارانتيندى كۇشەيتۋگە قاتىستى قاۋلى شىعاردى.
اتالعان قاۋلىعا سايكەس:
- 1-5-سىنىپ جانە 1-7-سىنىپتان باستاپ حالىقارالىق مەكتەپتەردەن باسقا، سىنىپتا 15 بالاعا دەيىن ءبىلىم بەرۋ وبەكتىلەرىنىڭ جۇمىسىن ونلاين-وقىتۋ رەجيمىندە ۇيىمداستىرۋ؛
- وففلاين-رەجيمدە وقيتىن وقۋشىلار اراسىندا كوروناۆيرۋستىق ينفەكسيا اۋرۋىنىڭ ءبىر جاعدايىن تىركەۋ كەزىندە اتا-انالاردىڭ ءوتىنىشى بويىنشا بارلىق سىنىپتاردى ونلاين-وقىتۋعا كوشىرۋگە قاتاڭ تۇردە جول بەرىلەدى؛
- قابىلداناتىن شارالار تۋرالى بۇقارالىق اقپارات قۇرالدارىندا، الەۋمەتتىك جەلىلەردە جانە مەسسەندجەرلەردە ءتۇسىندىرۋ.
قاۋلىنىڭ تولىق نۇسقاسى مىنا جەردە.
قوستاناي وبلىسىنىڭ باس سانيتار دارىگەرى ۆ. نەچيتايلو كارانتين تالاپتارىنا ءبىرقاتار وزگەرىستەر ەنگىزدى.
باس سانيتار دارىگەر جۇمىس كۇندەرى ساعات 06:00-دەن 21:00-گە دەيىن وبلىس اۋماعىندا قوعامدىق كولىكتىڭ ءجۇرۋىن جانە دەمالىس كۇندەرى قوعامدىق كولىك جۇمىسىنىڭ توقتاتىلۋىن ۇسىندى.
قاۋلىعا سايكەس:
- جابىق سپورت نىساندارىنىڭ جۇمىسىنا تىيىم سالۋ؛
- قوعامدىق تاماقتانۋ ورىندارىندا ءبىر ۇستەل باسىندا 4 ادامنان ارتىق بولماۋعا رۇقسات ەتىلەدى. الىپ كەتۋ جانە جەتكىزۋ جۇمىستارى 22:00-گە دەيىن شەكتەلگەن؛
- قالا سىرتىنداعى جول بويىنداعى سەرۆيس قوعامدىق تاماقتاندىرۋ پۋنكتتەرىنە ۋاقىت بويىنشا وزىمەن الىپ كەتۋگە جانە جەتكىزۋگە عانا جۇمىس ىستەۋگە رۇقسات ەتىلگەن؛
- باسسەيندەردىڭ، ونىڭ ىشىندە مونشالار مەن ساۋنالاردىڭ جۇمىسىنا تىيىم سالىنادى؛
- ساۋنالار مەن مونشالاردىڭ جۇمىسى 9:00-دەن 19:00-گە دەيىن شەكتەلگەن؛
- ساناتورييلەر مەن دەمالىس بازالارىنىڭ جۇمىسى توقتاتىلدى؛
- دەمالىس جانە مەرەكە كۇندەرى اۆتو جانە اۋىل شارۋاشىلىعى تەحنيكالارىنا ارنالعان قوسالقى بولشەكتەردى ساتاتىن دۇكەندەردىڭ جۇمىسىنا تىيىم سالىنادى؛
- مەديسينالىق-الەۋمەتتىك سالانىڭ جۇمىسى كارانتين رەجيمىنە اۋىستىرىلادى؛
- بالالار سەكسيالارىنىڭ، ۇيىرمەلەر مەن فاكۋلتاتيۆتەردىڭ جۇمىسىنا تىيىم سالىنادى؛
- پروفيلاكتيكالىق ەگۋلەردەن باسقا، جوسپارلى سكرينينگتەر كورسەتۋ توقتاتىلادى.
قاۋلىنىڭ تولىق نۇسقاسىمەن تانىسىڭىز.
سونداي-اق اقتوبە وبلىسىنىڭ باس سانيتار دارىگەرى ن. ا. بەركىمبايەۆانىڭ كارانتيندى كۇشەيتۋگە قاتىستى قاۋلىسىندا اتالعان نىسانالارعا تىيىم سالىنادى:
- كونفەرەنسيالار، كورمەلەر، فورۋمدار، ويىن-ساۋىق، سپورتتىق، سونداي-اق ادامدار كوپ جينالاتىن وتباسىلىق، سالتاناتتى، ەستەلىك جانە باسقا دا ءىس-شارالاردى، ونىڭ ىشىندە ۇيدە، ميتينگتەر، شەرۋلەر، جيىندار جانە ت.ب.وتكىزۋگە؛
- كەزەكشى توپتاردى قوسپاعاندا، مەكتەپكە دەيىنگى بالالار مەكەمەلەرىنىڭ قىزمەتىنە؛
- قالا ساياباقتارىندا، جاعالاۋلارىندا، سكۆەرلەرىندە بالالار مەن ەرەسەكتەرگە ارنالعان قوزعالىس قۇرالدارىن (ەلەكتروموبيلدەر، پەدالدى اۆتوموبيل، ساموكاتتار، كارتينگتەر، پەينتبول، اۆتودرومدار، گيروسكۋتەرلەردىڭ بارلىق تۇرلەرى جانە ت.ب.) جالعا الۋعا:
- باستاۋىش، ورتا جانە نەگىزگى ورتا دەڭگەيدەگى ءبىلىم بەرۋ ۇيىمدارىنداعى اسحانا جۇمىسىنا؛
- دەمالىس جانە مەرەكە كۇندەرى: ساۋدا-ويىن-ساۋىق ورتالىقتارىنىڭ، الاڭى 2000 جانە ودان دا كوپ ش. م. ساۋدا وبەكتىلەرىنىڭ جۇمىسىن توقتاتا تۇرۋ، ونداعى ازىق-تۇلىك سۋپەرماركەتتەرى مەن ءدارىحانالاردى قوسپاعاندا؛
- ازىق-تۇلىك ەمەس جانە ازىق-تۇلىك ساتاتىن جابىق بازارلاردىڭ جۇمىسىن توقتاتا تۇرۋ؛
- ايىرباستاۋ پۋنكتتەرى، لومبارتتاردىڭ قىزمەتىنە جۇمىس كەستەسىن بەلگىلەي وتىرىپ ساعات 10.00 – 20.00 دەيىن جۇمىس جاساۋ.
قاۋلىنىڭ تولىق نۇسقاسى مىنا سىلتەمەدە.
پاۆلودار وبلىسىنىڭ باس سانيتار دارىگەرى ب. الييەۆ 13ء-شى قاراشادا كارانتيندىك شارالار تۋرالى قاۋلىسىنا وزگەرىستەر مەن تولىقتىرۋلار ەنگىزدى.
اتالعان قاۋلىعا سايكەس ازىق-تۇلىك دۇكەندەرىنىڭ قىزمەتى 08:00-دەن 22:00-گە دەيىن جۇمىس جاساي الادى.
قاۋلىنىڭ تولىق ءماتىنى مىنا سىلتەمەدە.
ال قاراعاندى وبلىسىنىڭ مەملەكەتتىك باس سانيتار دارىگەرى يۋريي زالىگين كارانتين تالاپتارىنا وزگەرىستەر ەنگىزدى.
جاڭا قاۋلى بويىنشا قالادا سانيتاريالىق شارالاردى كۇشەيتە وتىرىپ، وبەكتىلەردىڭ جۇمىسى 09:00-دەن 22:00-گە دەيىن شەكتەلەدى.
سونداي-اق اتالعان نىسانداردىڭ جۇمىسىنا تىيىم سالىنادى:
- ويىن-ساۋىق مەكەمەلەر (كاراوكە، بيليارد، كومپيۋتەرلىك كلۋبتار، جابىق ءۇي-جايلارداعى بالالار ويىن الاڭدارى ت.ب.)؛
- فۋدكورت، بانكەت زالدارىنا؛
- قالالىق جانە قوعامدىق جاعاجايلار؛
- شاشتاراز، سۇلۋلىق سالوندارى كارانتيندىك شارالاردى ساقتاي وتىرىپ، كليەنتتەردىڭ الدىن-الا جازىلۋى بويىنشا قابىلدايدى.
قاۋلىنىڭ تولىق نۇسقاسى.
پىكىر قالدىرۋ