ارمەنيانىڭ پرەزيدەنتى ارمەن ساركيسسيان پرەمەر-مينيستر پاشينياننىڭ قىزمەتىنەن كەتۋىنە جانە مەرزىمىنەن بۇرىن سايلاۋ وتكىزۋگە شاقىرادى. بۇل تۋرالى bbc.com حابارلادى. 

– مەنىمەن كەزدەسۋگە قاتىسۋشىلاردىڭ باسىم كوپشىلىگى ءبىر عانا ماسەلەمەن كەلەدى. كوبى پرەمەر-مينيستر نيكول پاشينياننىڭ قىزمەتىنەن كەتۋى نە وكىلەتتىلىگىنىڭ توقتاتىلۋى جايىن قوزعاپ، كونستيتۋسياعا سايكەس مەرزىمىنەن بۇرىن سايلاۋ وتكىزۋ جايلى ۇسىنىستارىن ايتتى، – دەپ "ارمەنپرەسس" باسىلىمى پرەزيدەنت ءسوزىن جەتكىزدى.

ارمەنيا ۇكىمەتى پرەزيدەنتتىڭ سوزىنە ءالى جاۋاپ قاتقان جوق.

ارمەنيا – پرەزيدەنت تىكەلەي ساياساتقا قاتىسپايتىن، ءبىراق مەملەكەت باسشىسى جانە كونستيتۋسيانىڭ كەپىلى بولاتىن پارلامەنتتىك رەسپۋبليكا.

بۇعان دەيىن، ارمەنيا مەن ازەربايجان اراسىنداعى تاۋلى قاراباق ءۇشىن بولعان 44 كۇندىك سوعىستا ارميان كۇشتەرى 2،3 مىڭنان استام اسكەرىنەن ايىرىلدى. ءسويتىپ، 10 قاراشا كۇنى ارمەنيا پرەمەر-مينيسترى نيكول پاشينيان ازەربايجان پرەزيدەنتى يلحام الييەۆ جانە رەسەي پرەزيدەنتى ۆلاديمير پۋتين تاۋلى قاراباقتا اسكەري ارەكەتتەردى توقتاتۋ تۋرالى كەلىسىمگە قول قويدى. سول كەلىسىم جاسالعان كۇننەن باستاپ ارمەنيادا نارازىلىقتار مەن قىزۋ پىكىرتالاستار جالعاسىپ كەلەدى.