"كوروناۆيرۋس قىتايدان يتالياعا 2019 جىلدىڭ قىركۇيەك ايىنان باستاپ تاراعان بولۋى مۇمكىن" دەدى يتاليالىق عالىمدار.
ميلانداعى ۇلتتىق ونكولوگيالىق ينستيتۋتتا جۇرگىزىلگەن جاڭا زەرتتەۋلەر "كوۆيد-19 ەۋروپادا رەسمي تۇردە العاش تىركەلگەننەن بىرنەشە اي بۇرىن بولعان بولۋى مۇمكىن" دەپ بولجايدى.
ال، دۇنيەجۇزىلىك دەنساۋلىق ساقتاۋ ۇيىمىنىڭ حابارلاۋىنشا، اۋرۋ العاش رەت جەلتوقسان ايىندا قىتايدىڭ ۋحان قالاسىندا بايقالعان.
يتاليادا كوروناۆيرۋستىڭ العاشقى وقيعاسى لومبارديادا 21 اقپاندا تىركەلدى. ءبىراق زەرتتەۋ جۇرگىزگەن عالىمدار وتكەن جىلدىڭ قىركۇيەك ايىنان باستاپ قان ۇلگىلەرىنەن پاتوگەندى بايقاعان. ولار زەرتتەۋ "پاندەميانىڭ تاريحىن وزگەرتۋى مۇمكىن" دەپ حابارلادى.
زەرتتەۋ "Tumori Journal" عىلىمي جۋرنالىندا جاريالانعان.
وندا بەلگىلەرى جوق 1000-عا جۋىق ادامنىڭ قان ۇلگىلەرى ساراپتاما جاسالعان.
تەستكە قاتىسۋشىلار 2019 جىلدىڭ قىركۇيەك ايىنان باستاپ 2020 جىلدىڭ ناۋرىزىنا دەيىن ميلاندا وتكىزىلگەن قاتەرلى ىسىك اۋرۋلارىنىڭ ەرىكتىلەرى بولدى.
زەرتتەۋلەر كورسەتكەندەي، پاسيەنتتەردىڭ 11 پايىزدان استامىندا "SARS-CoV-2" شتاممىنا كوروناۆيرۋستىق انتيدەنەلەر تۇزىلگەن، ونىڭ 14 پايىزى 2019 جىلدىڭ قىركۇيەگىندە بەرىلگەن قاننان الىنعان.
پىكىر قالدىرۋ