ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا مەملەكەتتىك قىزمەت كورسەتۋ پروسەسىن جەتىلدىرۋ ماسەلەلەرى قارالدى، دەپ حابارلايدى Qamshy.kz اقپارات اگەنتتىگى ق ر پرەمەر-مينيسترىنىڭ باسپا ءسوز قىزمەتىنە سىلتەمە جاساپ.

سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى ب. مۋسين، ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ، نۇر-سۇلتان قالاسىنىڭ اكىمى ا. كولگىنوۆ، اتىراۋ وبلىسىنىڭ اكىمى م. دوسمۇحامبەتوۆ، الماتى وبلىسىنىڭ اكىمى ا. باتالوۆ بايانداما جاسادى.

قازىرگى ەپيدەميولوگيالىق احۋال جاعدايىندا ءسدياوم بيزنەس پروسەستەردى وڭتايلاندىرۋ جانە اۆتوماتتاندىرۋ بويىنشا جۇمىس جۇرگىزدى، حقكو جۇمىسىنىڭ فورماتى وزگەرتىلدى، ارتىق قۇجاتتار تالاپتارى الىنىپ تاستالدى. ءتيىمدى شارالاردىڭ ءبىرى Blockchain تەحنولوگياسىن ەنگىزۋ بولدى، بۇل مەملەكەتتىك قىزمەتتەردى كورسەتۋ ۋاقىتىن ەداۋىر قىسقارتادى جانە دەرەكتەردى ءۇشىنشى تۇلعالارعا بەرۋ مۇمكىندىگىن بولدىرمايدى.

ق ر مەملەكەتتىك قىزمەتتەر تىزىلىمىندە 698 مەملەكەتتىك قىزمەت ءتۇرى قاراستىرىلعان، ولاردىڭ 85،5%-ى ونلاين-رەجيمدە كورسەتىلەدى. وسى جىلدىڭ سوڭىنا دەيىن بۇل كورسەتكىش 90%-عا دەيىن جەتكىزىلەدى.

بيىل eGov پايدالانۋشىنى بيومەتريالىق سايكەستەندىرۋ جولىمەن ءبىر قادامدا جەڭىلدەتىلگەن تىركەۋ مەحانيزمىن ەنگىزەدى. وسىلايشا، eGov-تا ۇيالى تەلەفوندى بەتكە جاقىنداتۋ ارقىلى تىركەلۋگە بولادى، ال بيومەتريالىق سايكەستەندىرۋ قوسىمشا سۇراقتار قويۋ ارقىلى پايدالانۋشىنى ءوزى انىقتاپ، تىركەيدى. ازاماتتاردىڭ اۆتوموبيلدەردى تىركەۋ ءۇشىن مامانداندىرىلعان حقكو-لارعا بارۋىنىڭ بالاماسى بانكتىك قوسىمشالار ارقىلى ساتىپ الۋ-ساتۋدى رەسىمدەۋ بولادى، بۇل قىزمەت كورسەتۋ ۋاقىتىن 10 مينۋتقا دەيىن قىسقارتادى (قۇجاتتار ۇيگە جەتكىزىلەدى).

بيىلعى جىلدىڭ سوڭىنا دەيىن ەلەكتروندىق فورماتتاعى الەۋمەتتىك-ەڭبەك سالاسىنداعى مەملەكەتتىك قىزمەتتەر كورسەتكىشى  90%-عا دەيىن جەتكىزىلەدى.

قوعامدىق مونيتورينگ قورىتىندىسى بويىنشا ەلەكتروندىق مەملەكەتتىك قىزمەتتەردى ەنگىزۋ بويىنشا الداعى وڭىرلەر – اقمولا، قىزىلوردا، قاراعاندى، قوستاناي جانە باتىس قازاقستان وبلىستارى. بۇل جۇمىس الماتى وبلىسى مەن شىمكەنتتە ءتيىستى دەڭگەيدە جۇرگىزىلىپ جاتقان جوق.

ۇكىمەت باسشىسى جەرگىلىكتى اتقارۋشى ورگاندارعا مەملەكەتتىك قىزمەتتەر كورسەتۋ ساپاسىنا قاناعاتتانۋ دەڭگەيىن كەمىندە 80%-عا جەتكىزۋدى، سونداي-اق تكش قىزمەتتەرى بويىنشا استانالىق IQalا جوباسى ۇلگىسىمەن ءتيىمدى شەشىمدەر ەنگىزۋدى تاپسىردى.

سيفرلىق دامۋ مينيسترلىگىنە مۇددەلى مەملەكەتتىك ورگاندارمەن بىرلەسىپ، بارلىق الەۋمەتتىك ماڭىزدى مەملەكەتتىك قىزمەتتەردى eGov mobile-عا اۋىستىرۋ جوسپارىن بەكىتۋ تاپسىرىلدى.

«حالىققا جۇمىستىڭ ناقتى ناتيجەلەرى قاجەت. 2021 جىلى "قاعاز" انىقتامالاردىڭ قاجەتتىلىگىن تولىعىمەن جويىپ، "ازاماتتارعا ارنالعان ۇكىمەت" كورپوراسياسىنان قىزمەتتەردى جەتكىزۋدى قامتاماسىز ەتىپ، بارلىق ونلاين قىزمەتتەر مەن سەرۆيستەردىڭ قولجەتىمدىلىگىن 100%-عا دەيىن ارتتىرۋىمىز كەرەك»، — دەدى ا. مامين.

دەنساۋلىق ساقتاۋ مينيسترلىگىنە ازاماتتارعا قاجەتتى ەلەكتروندىق مەديسينالىق مالىمەتتەردى بەرۋدى قامتاماسىز ەتۋ، ەڭبەك مينيسترلىگىنە مەملەكەتتىك ورگاندارمەن بىرلەسىپ، زەينەتاقى مەن جاردەماقىلاردى بەرۋدى تاعايىنداۋ پروسەستەرىن سيفرلاندىرۋ ءۇشىن قاجەتتى دەرەكتەردى تولىق سيفرلاندىرۋ مەن جاڭارتۋدى قامتاماسىز ەتۋ تاپسىرىلدى.  

پرەمەر-مينيستر ورتالىق جانە جەرگىلىكتى اتقارۋشى ورگاندارعا بارلىق اقپاراتتىق جۇيەلەردىڭ ءتيىمدى ينتەگراسيالانۋىن جانە ۇزدىكسىز جۇمىس ىستەۋىن قامتاماسىز ەتۋدى، ولاردىڭ جۇمىس ساپاسىن جانە حالىق ءۇشىن پايدالانۋعا جەڭىلدىگىن ارتتىرۋ بويىنشا شارالار قابىلداۋدى تاپسىردى.

ۇكىمەت باسشىسى مەملەكەتتىك قىزمەتتەردى سيفرلاندىرۋ سالاسىنداعى جاڭالىقتار بويىنشا ءتۇسىندىرۋ جۇمىستارىن جۇرگىزۋ قاجەتتىگىنە ەرەكشە نازار اۋداردى.