تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى – پاۆلودار وبلىسىنىڭ مەملەكەتتىك باس سانيتار دارىگەرى باتىربەك الييەۆ پرەزيدەنت قاسىم-جومارت توقايەۆتىڭ كوروناۆيرۋس ينفەكسياسى فاكتىلەرىن جاسىرۋ تۋرالى سوزدەرىن جوققا شىعاردى، دەپ حابارلادى كازتاگ اگەنتتىگى.
اگەنتتىك مالىمەتىنشە، پاۆلودار وبلىسىنىڭ مەملەكەتتىك باس سانيتار دارىگەرى كوروناۆيرۋس ينفەكسياسىنا قاتىستى دەرەكتەردى جاسىرماعانىن ايتتى.
– ءبىز دەرەكتەردى جاسىرمادىق دەپ ناقتى ايتا الامىن. مۇنىڭ ءبارىن قاراشا ايىنىڭ باسىندا تالدادىق. بىزدە قازان ايىندا زەرتحانالارمەن جانە مەديسينالىق-سانيتارلىق العاشقى كومەك ەسەپكە العان جانە ەسكەرمەگەن جاعدايلارمەن شامالى سايكەسسىزدىكتەر بولدى. ستاتيستيكادا 50-گە جۋىق جاعدايدىڭ ايىرماشىلىعىن انىقتادىق. بارلىق وسى جاعداي بويىنشا ەپيدەمياعا قارسى ءىس-شارالار ۋاقىتىلى جۇرگىزىلدى، جىلدام بايلانىس ورناتىلدى. ءقازىر بۇل جاعدايلاردىڭ بارلىعى ەسەپكە الىنىپ، جالپى ستاتيستيكاعا ەنگىزىلگەن. بۇگىنگى تاڭدا سovid-19 بويىنشا ەسەپكە الۋ جانە تىركەۋ جولعا قويىلعان. زەرتحانالارمەن كۇندەلىكتى مونيتورينگتە سالىستىرىپ تەكسەرۋ جۇرگىزىلۋدە، – دەپ مالىمدەدى الييەۆ سەيسەنبى كۇنگى بريفينگتە.
ول سونداي-اق كۆي اۋرۋىنىڭ ءاربىر جاعدايى بويىنشا ناۋقاستىڭ ۇيىنە بارۋ قاراستىرىلعانىن، ساۋالناما دەرەكتەرى جينالاتىنىن، سيمپتومنىڭ بار-جوعى جانە سوڭعى ۋاقىتتا ناۋقاستىڭ كىممەن بايلانىستا بولعانى انىقتالاتىنىن حابارلادى.
– ءبىزدىڭ ماماندارىمىزدىڭ ءبىرىنشى تولقىننان تاجىريبەسى بار، بارلىعى ستاتيستيكادا كورسەتىلەدى، – دەدى الييەۆ.
ەسكە سالساق، 16 قاراشا كۇنى پرەزيدەنت قاسىم-جومارت توقايەۆ ۇكىمەت مۇشەلەرىمەن، ءبىرقاتار ورگان باسشىلارىمەن، قالالار مەن وبلىستاردىڭ اكىمدەرىمەن ۆيدەوكونفەرەنسيا رەجيمىندە كەڭەس وتكىزگەن. كەڭەستە مەملەكەت باسشىسى كەيبىر وبلىستاردىڭ كوروناۆيرۋس ىندەتىنە قاتىستى جاسىرۋ دەرەكتەرى بولعانىن ايتتى.
– ءبىرقاتار وبلىستاردا كوروناۆيرۋس ىندەتىنە قاتىستى جاڭا جاعدايلاردى جاسىرۋ دەرەكتەرى انىقتالدى. اڭگىمە شىعىس قازاقستان، سولتۇستىك قازاقستان، پاۆلودار، اقمولا، قوستاناي جانە باسقا دا وبلىستار جايىندا بولىپ وتىر. وتىرىكتى شىنداي سويلەتۋ اسا ءقاۋىپتى قۇبىلىس ەكەنىن ءتۇسىنۋ كەرەك. ويتكەنى ول شىنايى ءقاۋىپتىڭ بەتىن بۇركەمەلەيدى، – دەدى توقايەۆ.
پىكىر قالدىرۋ