الماتى قالاسىنىڭ اكىمى باقىتجان ساعىنتايەۆ قالىپتاسقان سانيتارلىق-ەپيدەميولوگيالىق احۋال جانە پاندەميانىڭ ىقتيمال جاڭا تولقىنىنا دايىندىق تۋرالى ايتتى. ونىڭ سوزىنشە، الماتى كۆي اۋحالىنىڭ ناشارلاۋىنا دايىن. بۇل تۋرالى الماتى قالاسى اكىمدىگىنىڭ باسپا ءسوز قىزمەتى حابارلادى.
الماتىدا 18 قاراشاداعى احۋالى بويىنشا قالادا كوروناۆيرۋس ينفەكسيانىڭ 15 325 وقيعاسى تىركەلدى، ونىڭ 9251ء-ى سيمپتومدى، 6074ء-ى سيمپتومسىز. انىقتالماعان پنيەۆمونيا – 1099 وقيعا. 100 ادامعا شاققانداعى كورسەتكىش – 767، 58. تاۋلىك ىشىندە كۆي-دىڭ 35 وقيعاسى تىركەلگەن، ونىڭ ىشىندە 22 وقيعا سيمپتومدى، 13 سيمپتومسىز، انىقتالماعان پنيەۆمونيانىڭ 4 وقيعاسى تىركەلدى.
الماتى اكىمى ب. ساعىنتايەۆ ناۋقاستاردىڭ 30%-عا جۋىعىنىڭ اعا بۋىن وكىلدەرى ەكەنىنە الاڭداۋشىلىق ءبىلدىردى. اتاپ ايتقاندا، كۆي جۇقتىرعان ناۋقاستار اراسىندا 40-59 جاستاعىلار – 28 (32%) ادام، 60 جاس پەن ودان جوعارى جاستاعىلار – 240 (27%) ادام. وسىعان وراي، ب. ساعىنتايەۆ قالا تۇرعىندارىن ەگدە جاستاعى جاقىندارىنا جاناشىرلىق تانىتۋعا شاقىردى.
– جاستار سانيتارلىق-ەپيدەميولوگيالىق قاۋىپسىزدىك شارالارىن ساقتاماي، ادامدار كوپ شوعىرلانعان جەرلەرگە بارىپ، ۆيرۋستى ۇيگە اكەلەدى، اتا-انالارى مەن تۋىستارىنا جۇقتىرادى. سوندىقتان مەن بارلىعىنىڭ قىراعىلىق پەن ساقتىق تانىتۋلارىن سۇرايمىن، – دەپ اتاپ ءوتتى ب.ساعىنتايەۆ.
1 قازاننان 16 قاراشا ارالىعىندا كۆي ينفەكسياسىنىڭ جۇقتىرۋ وقيعاسىنىڭ 53%-ى قوعامدىق ورىنداردا بولعاندىعى انىقتالدى، ولار: ساۋدا جانە ويىن-ساۋىق ورتالىقتارى، دۇكەندەر، بازارلار جانە قوعامدىق كولىكتەر.
اكىمنىڭ ايتۋىنشا، الماتى قالاسىنىڭ تۇرعىندارى مەن قالا قوناقتارى سانيتارلىق-ەپيدەميولوگيالىق قاۋىپسىزدىك شارالارىن قاتاڭ ساقتاۋعا ءتيىس.
ب. ساعىنتايەۆ كۆي پاندەمياسىنىڭ ىقتيمال ەكىنشى تولقىنىنا دايىندىق تۋرالى ايتا كەلىپ، الماتىدا كوۆيدتىك گوسپيتالدەردە رەزەرۆتىك ورىنداردىڭ قۇرىلعانىن ەسكە سالدى. قۋاتتىلىعى 7226 توسەك-ورىن بولاتىن 32 كوۆيدتىك ستاسيونار ازىرلەندى، ونىڭ 250ء-ى جانساقتاۋ ورىندارى. سوڭعى ايلار ىشىندە ەكى جاڭا ەمحانا سالىندى – 500 توسەك-ورىندى ينفەكسيالىق گوسپيتال؛ 300 توسەك-ورىندى جاڭا ءمودۋلدى ستاسيونار.
پىكىر قالدىرۋ