الماتى وبلىسىنىڭ باس مەملەكەتتىك سانيتاريالىق دارىگەرى ە.سىدىمانوۆتىڭ "الماتى وبلىسىنىڭ اۋماعىندا كارانتين رەجيمى جانە كەيبىر شەكتەۋ شارالارىن ەنگىزۋ تۋرالى" 2020 جىلعى 20-قاراشاداعى №32 قاۋلىسى جاريالاندى. بۇل تۋرالى الماتى وبلىسى اكىمدىگىنىڭ باسپا ءسوز قىزمەتى حابارلادى. 

قاۋلىعا سايكەس، الماتى وبلىسىندا كارانتين رەجيمى جالعاسىپ، كەيبىر شەكتەۋ شارالارى ەنگىزىلەدى. 

– الماتى وبلىسىندا كارانتيندى جالعاستىرۋدى جانە كەيبىر شەكتەۋ شاراسىن ەنگىزۋدى قاۋلى ەتەمىن. كارانتين رەجيمى مەن مەرزىمدەرى COVID-19 تارالۋى بويىنشا جاعدايدىڭ وزگەرۋىنە سايكەس وزگەرتىلۋى مۇمكىن، - دەلىنگەن الماتى وبلىسىنىڭ باس سانيتار دارىگەرى ەرعالي سىدىمانوۆتىڭ قاۋلىسىندا.

اتاپ ايتقاندا، مىنا جەرلەردىڭ جۇمىسى بۇرىنعىشا توقتاپ تۇر:

– 50-دەن اسا وتىراتىن ورنى بار قوعامدىق تاماقتاندىرۋ وبەكتىلەرىنىڭ (اسحانا، ءدامحانا)

– كوفە، مەيرامحانالاردىڭ جانە باسقا دا مەكەمەلەردىڭ)؛

– سانى 15 ادامعا دەيىنگى كەزەكشى توپتاردى قوسپاعاندا، بارلىق مەكتەپكە دەيىنگى ۇيىم؛

– ويىن-ساۋىق وبەكتىلەرى (تۇنگى كلۋبتار، كورمەلەر، بيليارد جانە كومپيۋتەرلىك كلۋبتار، بالالار ويىن الاڭدارى، جابىق ءۇي-جايلارداعى باتۋتتار جانە باسقالار)؛

– وقۋ-جاتتىعۋ ساباقتارىن قوسپاعاندا، باسسەيندەر؛

– ويىن مەكەمەلەرى، كازينو، قۇمار ويىندار وتكىزىلەتىن عيماراتتار، ءۇي-جايلار، قۇرىلىستار.

جاڭا قاۋلى 22 قاراشادا 7:00-دەن باستاپ كۇشىنە ەنەدى.