دۇنيەجۇزىلىك دەنساۋلىق ساقتاۋ ۇيىمى 2021 جىلى ەۋروپادا كوروناۆيرۋس ينفەكسياسىنىڭ ءۇشىنشى تولقىنىنىڭ بولۋى مۇمكىن ەكەنىن ەسكەرتتى. بۇل تۋرالى قازاقستاننىڭ كوروناۆيرۋستى تاراتپاۋ جونىندەگى ۆەدومستۆوارالىق كوميسسياسى ءمالىم ەتتى.
– ەۋروپا كوروناۆيرۋس ينفەكسياسى پاندەمياسىنىڭ ءۇشىنشى تولقىنىنا 2021 جىلدىڭ باسىندا تاپ بولۋى مۇمكىن. ەۋروپا ءبىرىنشى تولقىندى باقىلاۋعا العاننان كەيىن جاز ايلارىندا قاجەتتى ينفراقۇرىلىمدى سالۋدى جىبەرىپ الدى. ءقازىر ەكىنشى تولقىن ءجۇرىپ جاتىر. ەگەر ولار قاجەتتى ينفراقۇرىلىمدى سالماسا، كەلەسى جىلدىڭ باسىندا ءۇشىنشى تولقىن بولادى، – دەدى دۇنيەجۇزىلىك دەنساۋلىق ساقتاۋ ۇيىمىنىڭ ارنايى وكىلى ديەۆيد ناباررو.
ول سونىمەن قاتار، ەۋروپانىڭ ازيا ەلدەرىنەن ۇيرەنەتىن نارسە بار ەكەنىن ايتتى.
– ۆيرۋسقا جىلدام ءارى باتىل جاۋاپ بەرۋ كەرەك. اسىرەسە ۆيرۋستىڭ ءار ءتۇرلى قاۋىمداستىقتار ىشىندە وتە باياۋ تارالاتىن كەزىندە بۇل وتە ماڭىزدى. ەگەر ءسىز سەنىمسىز ارەكەت جاساساڭىز، ىندەت وتە تەز ارتادى، – دەدى ددۇ-نىڭ ارنايى وكىلى.
ەۋروپا ەلدەرىندە كوروناۆيرۋستى جۇقتىرعاندار سانى كۇن سايىن ارتىپ كەلەدى.
الەمدە كوروناۆيرۋس ينفەكسياسىن جۇقتىرعان ادامداردىڭ جالپى سانى 59 ميلليونعا جاقىندادى.
پىكىر قالدىرۋ