مەملەكەتتىك كىرىستەر ورگاندارى تاراپىنان 2017 جىلى 6 ميلليون 400 مىڭ ليتر، 2018 جىلى 3 ميلليون 700 مىڭ ليتر، 2019 جىلى 6 ميلليون 100 مىڭ ليتر، وسى جىلدىڭ 9 ايىندا 320،2 مىڭ ليتر مولشەرىندە زاڭسىز الكوگول ونىمدەرى تاركىلەندى. بۇل تۋرالى مەملەكەتتى كىرىستەر كوميتەتى حابارلادى.

الكوگول نارىعىنا قاتىسۋشىلار الكوگول ونىمدەرىن رەتتەۋ سالاسىنداعى زاڭنامانىڭ نورمالار (الكوگول ونىمدەرىن رۇقسات قۇجاتى مەن ىلەسپە جۇكقۇجاتىنسىز ساتۋ جانە بەكىتىلگەن باقىلاۋ ماركالارىنسىز ساتۋ) بۇزىلعانىن انىقتالعان .

زاڭسىز الكوگول ونىمدەردىڭ 23،6%-ى شەكارادان ءوتۋ كەزىندە، 76،4%-ى الكوگول ونىمدەرىن ساتۋ وبەكتىلەرىندە انىقتالدى.

قىرعىزستان رەسپۋبليكاسىمەن شەكارادا 23،8 مىڭ ليتر مولشەرىندەگى ەتيل ءسپيرتى جانە 14،5 مىڭ ليتر اراق اكەلە جاتقانداردىڭ جولى كەسىلدى.

قارجى مونيتورينگى كوميتەتىنىڭ ەكونوميكالىق تەرگەۋ قىزمەتى ۇسىنعان اقپاراتقا سايكەس، قازاقستان رەسپۋبليكاسىنىڭ اۋماعىندا زاڭسىز الكوگول ونىمدەرىن شىعاراتىن 25 سەحتىڭ جۇمىسى توقتاتىلدى. الماتى قالاسى – 11، الماتى وبلىسى – 4، شىمكەنت قالاسى - 3، تۇركىستان وبلىسى – 2، اقتوبە، قوستاناي، شىعىس قازاقستان، پاۆلودار جانە جامبىل وبلىستارىندا – 1 سەح قىزمەتى توقتاتىلعان.