اقمولا وبلىسىنىڭ باس سانيتار دارىگەرى ايناگۇل مۋسينا كارانتيندى كۇشەيتۋگە قاتىستى قاۋلىعا وزگەرىستەر مەن تولىقتىرۋلار ەنگىزدى.
"№57 قاۋلىعا سايكەس جەكە قورعانىش قۇرالدارىن قولدانۋ جانە كادەگە جاراتۋ الگوريتىمى جانە كەمىندە 2 مەتر الەۋمەتتىك قاشىقتىقتى ساقتاۋ قامتاماسىز ەتىلسىن" دەلىنگەن حابارلامادا.
سونداي-اق وبلىستىڭ ەلدى مەكەندەرىندە ءجۇرىپ-تۇرۋ ساعات 23:00-دەن 06:00-گە دەيىن شەكتەلەدى.
قاۋلىعا سايكەس:
- وتباسىلىق ءىس-شارالار (ۇيلەنۋ تويى، بانكەت، مەرەيتوي) جانە كوپشىلىك جينالاتىن شارالاردى وتكىزۋگە، ونىڭ ىشىندە ۇيدە وتكىزۋگە تىيىم سالىنادى؛
- 65 جاستان اسقان ادامدارعا اسا قاجەتتىلىك بولماسا ۇيدەن شىقپاۋعا كەڭەس بەرىلەدى؛
- الەۋمەتتىك قاشىقتىقتى جانە جەكە قورعانىش قۇرالدارىن قولدانۋ ۇسىنىلادى؛
- جەرلەۋ ءىس-شارالارىن وتكىزۋ كەزىندە كەمىندە 2 مەتر قاشىقتىقتى ساقتاۋ، 30 ادامنان ارتىق جينالماۋ كەرەك؛
باس سانيتار دارىگەر كوكشەتاۋ جانە ستەپنوگورسك قالالارىنىڭ كارانتيندىك ايماقتارىنا/ايماقتارىنان ازاماتتاردىڭ كىرۋىنە جانە شىعۋىنا تىيىم سالدى.
پىكىر قالدىرۋ