دۇنيەجۇزى قازاقتارىنىڭ قاۋىمداستىعى مەن الەم ەلدەرىندەگى قازاق دياسپورالارى تاريحي وتانىنا كومەك جىبەردى، دەپ حابارلايدى Qamshy.kz اقپارات اگەنتتىگى 24.kz-كە سىلتەمە جاساپ.

ەلدەگى پاندەميامەن كۇرەسكە ۇلەس قوستى. جەكە قاراجات ەسەبىنەن ميلليون دانا مەديسينالىق بەتپەردە جەتكىزىپ قيىن ساتتە قول ۇشىن بەردى. بۇگىن ەلوردادا رەسپۋبليكالىق قاۋىمداستىق وكىلدەرى قانداستاردىڭ كومەگىن قابىلداپ، مۇقتاج جاندار مەن پاندەميامەن كۇرەستىڭ الدىڭعى شەبىندەگى مەديسينا قىزمەتكەرلەرىنە تاراتتى. بۇدان بولەك، الداعى ۋاقىتتا قانداستار تاراپىنان وكپەنى جاساندى جەلدەتۋ اپپاراتى مەن دارۋمەندەر جەتكىزىلەدى.

دۇنيەجۇزى قازاقتارىنىڭ قاۋىمداستىعى ورتالىق كەڭسەسىنىڭ كەڭەسشىسى قارلىعاش بەكپاتشا قىزى ماسكالار تۇرمىسى تومەن وتباسىلارعا، زەينەتكەرلەرگە، ەمحانا، مەكتەپتەرگە تاراتىلىپ جاتقانىن ايتتى.

– مۇنىڭ ءبارى كوپ بولار، از بولار، ساقتىق شارالارىن قولدانىپ، تامشىداي بولسا دا قوسىپ جاتقان كومەگى. ەلىم دەپ الاڭداپ جاتىر. قازاعىم قيىندىق كورمەسىن دەپ جىبەرىپ جاتقان سالەمدەمەلەرى. كوپ ەمەسپىز. ازعانتايمىز، –  دەدى ول.