"حابار" تەلەارناسىندا قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ باسپا ءسوز قىزمەتى مەن ەلباسى قورىنىڭ قولداۋىمەن جاسالعان "پورترەتكە شتريحتار" دەرەكتى ءفيلمى جارىق كورەدى. بۇل تۋرالى ەلباسىنىڭ باسپا ءسوز قىزمەتى حابارلادى.

– 1 جەلتوقسان كۇنى ساعات 21:40-تا "حابار" تەلەارناسىنىڭ ەفيرىندە جۋرناليست ايگۇل ءادىلوۆانىڭ ەلباسى باسپا ءسوز قىزمەتى مەن نۇرسۇلتان نازاربايەۆ قورىنىڭ قولداۋىمەن "پورترەتكە شتريحتار" دەرەكتى ءفيلمىنىڭ ءبىرىنشى سەرياسىنىڭ پرەمەراسى وتەدى، – دەپ جازدى نازاربايەۆتىڭ باسپا ءسوز حاتشىسى ايدوس ۇكىباي Twitter پاراقشاسىندا. 

باسپا ءسوز قىزمەتىنىڭ مالىمەتىنشە، فيلم نۇرسۇلتان نازاربايەۆتىڭ ءومىرى مەن قىزمەتى جايلى، ونىڭ كوپشىلىك بىلە بەرمەيتىن قىرىن اشىپ كورسەتەدى.

– قۇداي مۇنداي اۋرۋدى ەشكىمنىڭ باسىنا سالماسىن. بۇل اۋرۋ ەشقاشان كەتپەيدى. اۋىرعاننان كەيىن مەن سوندا ارنايى باردىم. ومىرىمدە ءبارى دە باسقاشا بولۋى مۇمكىن ەدى، – دەيدى نازاربايەۆ فيلم ۇزىندىسىندە.

فيلم ەكسكليۋزيۆ سۇحبات تۇرىندە جاسالعان.