الماتىنىڭ باس سانيتار دارىگەرى جانداربەك بەكشين كوروناۆيرۋس ينفەكسياسىنا بايلانىستى الماتىلىقتارعا ۇندەۋ جاسادى.

ونىڭ ايتۋىنشا، باس سانيتار دارىگەردىڭ قاۋلىسىمەن ەنگىزىلگەن قولدانىستاعى شەكتەۋ شارالارى كۆي اۋرۋىنىڭ ءوسۋىن تەجەيدى جانە جاسىل ايماقتا قالۋعا مۇمكىندىك بەرەدى.

– 26 قاراشاداعى جاعداي بويىنشا الماتى قالاسىندا ەپيدەميالىق جاعداي قيىن (اۋىر) بولىپ تۇر. سوعان بايلانىستى قالا اۋماعىندا ەنگىزىلگەن شەكتەۋ شارالارى جالعاسۋدا. جىل باسىنان بەرى اۋماقتا كوروناۆيرۋس ينفەكسياسىنىڭ 15 876 جاعدايى جانە 1140 ەتيولوگياسى انىقتالماعان پنيەۆمونيا تىركەلدى.

قازىرگى ەپيدەميلوگيالىق جاعداي بويىنشا المالى جانە بوستاندىق اۋداندارى – سارى بەلدەۋدە. اۋەزوۆ (21،2) جانە مەدەۋ (23،3) اۋداندارى كوروناۆيرۋس ينفەكسياسىنىڭ جيىلىگى بويىنشا "ءقاۋىپتى" ايماقتا. تارالۋ يندەكسى بويىنشا ەڭ تۇراقتى جاعداي جەتىسۋ (0،9) جانە تۇركسىب (1،0) اۋداندارىندا بايقالادى.

ءبىزدى ءالى دە ءبىرقاتار كاسىپورىنداردىڭ جاۋاپسىزدىعى الاڭداتىپ وتىر، مىسالى "نەبو" تۇنگى كلۋبى شەكتەۋ شارالارىن 3 رەت بۇزدى. ناتيجەسىندە 950 مىڭ تەڭگەنىڭ ايىپپ ۇلى سالىنىپ، سوتقا قىزمەتىن توقتاتۋ تۋرالى تالاپ-ارىز جولداندى، بۇعان قىلمىستىق جاۋاپكەرشىلىك ارتىلادى، – دەدى بەكشين.

سونىمەن قاتار ول ونلاين رەجيمدە وقيتىن وقۋشىلار اراسىندا سىرقاتتانۋشىلاردىڭ ءوسۋ فاكتىسى تۋرالى ايتتى.

– ونلاين وقۋداعى وقۋشىلار اراسىندا سىرقاتتانۋشىلىقتىڭ ءوسۋى بايقالادى، سول سەبەپتى اتا-انالاردان بالالاردىڭ دەنساۋلىعىن قورعاۋدى سۇرايمىز. بالالار اۋرۋشاڭدىعىنىڭ نەگىزگى سەبەبى – كومپيۋتەرلىك جانە باسقا جابىق كلۋبتارعا بارۋ، سونداي-اق ادامدار كوپ جينالاتىن ورىندارعا (تۇنگى كلۋبتار، مەيرامحانالار جانە ت. ب.) باراتىن باسقا وتباسى مۇشەلەرىنىڭ ينفەكسيانى جۇقتىرىپ اكەلۋى، سونداي-اق قاشىقتان جۇمىس ىستەۋدى ەلەمەۋ، – دەپ اتاپ ءوتتى ول.

باس سانيتار دارىگەر كوروناۆيرۋس ينفەكسياسىنىڭ الدىنالۋ ءۇشىن قالا تۇرعىندارىنان پروفيلاكتيكالىق شارالاردى قاتاڭ ساقتاۋعا شاقىردى.