الماتىدا كوروناۆيرۋس ينفەكسياسىن جۇقتىرۋدىڭ 15876 جاعدايى تىركەلگەن، ونىڭ 9583-ىندە اۋرۋ بەلگىلەرى بولسا، 6293ء-ى سيمپتومسىز.
بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن ونلاين-بريفينگ بارىسىندا الماتى قالاسى قوعامدىق دەنساۋلىق باسقارماسى باسشىسىنىڭ مىندەتىن اتقارۋشى جانار مادەيەۆا حابارلادى.
بريفينگكە سونداي-اق الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين قاتىستى.
باسقارمانىڭ دەرەكتەرى بويىنشا كۇن سايىن اۋرۋدىڭ سيمپتومسىز فورماسى 40 ادامعا دەيىن انىقتالادى. پنيەۆمونيانى ۇدەمەلى تۇردە جۇقتىرۋدىڭ 1140 جاعدايى تىركەلدى. ەمدەلىپ شىققاندار – 14740 نەمەسە 93%. قايتىس بولعاندار – 323.
مەديسينالىق ۇيىمداردا 257 ادام (15 بالا) ەمدەلۋدە، ونىڭ ىشىندە اۋىرلىق دارەجەسى بويىنشا 20 (7%) ادامنىڭ جاعدايى اسا اۋىر، 65ء-ى (25%) اۋىر جاعدايدا، 230 ناۋقاس (68%) ورتاشا اۋىر جاعدايدا.
ءبىر تاۋلىك ىشىندە ەمدەلىپ شىققان 37 ادام ۇيلەرىنە شىعارىلدى، 61 ناۋقاس كەلىپ تۇسكەن. رەانيماسيا بولىمشەلەرىندە 29 پاسيەنت بار، ياعني ستاسيونارلىق ەمدەۋدەگى پاسيەنتتەردىڭ جالپى سانىنىڭ 11%-ى.
ج.مادەيەۆانىڭ ايتۋىنشا، اۋرۋ جۇقتىرىپ، سىرقاتتانۋدىڭ ەڭ جوعارى كورسەتكىشى 2020 جىلدىڭ شىلدە ايىندا بولدى، رەانيماسيا بولىمشەلەرىندەگى پاسيەنتتەردىڭ ۇلەس سالماعى 4%-دى قۇرادى (ستاسيونارداعى 1691 پاسيەنتتىڭ 65ء-ى)، بۇل قازىرگى كەزبەن سالىستىرعاندا 3 ەسە از.
«بۇل فاكت اۋرۋدىڭ اگرەسسيۆتى ءتۇرىن كورسەتەدى. جاعداي از ۋاقىتتىڭ ىشىندە قيىنداپ كەتەدى. بۇل كوروناۆيرۋس ينفەكسياسىنىڭ باسقا سۋىق تيۋ اۋرۋلارىمەن اياسىندا جۇرۋىمەن بايلانىستى بولۋى مۇمكىن، بۇل جاعداي دياگنوزدى راستاۋ ءۇشىن ناۋقاستاردىڭ مەديسينالىق ۇيىمدارعا كەش جۇگىنۋىنە اكەلەدى»، - دەدى ول.
وسى ايدا كوروناۆيرۋس ينفەكسياسىنا بايلانىستى 36 ناۋقاستىڭ ومىرلەرى ولىممەن اياقتالدى. ونىڭ ىشىندە، جاس قۇرىلىمى بويىنشا: 65 جاسقا دەيىن – 10 پاسيەنت نەمەسە 28%، 65 جاستان جوعارى – 25 پاسيەنت نەمەسە 72%. تاۋلىك بويىنشا تاعى قوسىمشا: تاعى 3 ناۋقاستا ءولىم تىركەلگەن.
«قايتىس بولعان 36 پاسيەنتتىڭ تەك 8ء-ى نەمەسە 22%-ى اۋرۋدىڭ 7ء-شى كۇنىنە دەيىن قالانىڭ ستاسيونارلارىنا ءتۇستى، قالعان 28ء-ى (78%) اۋرۋدىڭ كەش مەرزىمىندە، ياعني اۋرۋدىڭ ونىنشى جانە ودان دا كوپ كۇننەن كەيىن ءتۇستى. سونىمەن قاتار، ناۋقاستاردىڭ 19-ى نەمەسە 52%-ى اۋرۋدىڭ العاشقى بەلگىلەرى بولعان كەزدە دەر كەزىندە ءوز ەمحانالارىنا جۇگىنبەي، تانىستارى مەن تۋىستارىنىڭ ۇسىنىستارىن پايدالانا وتىرىپ، ۇيدە ەم قابىلداعان»، - دەپ تولىقتىردى ج.مادەيەۆا.
